വെപ്പുപല്ല് കാണാതായി, എട്ടുദിവസത്തിനു ശേഷം കണ്ടെത്തി, തൊണ്ടയില് നിന്ന്...!
72-കാരന് ലണ്ടനിലെ ആശുപത്രിയില് അഡ്മിറ്റായത് വയറ്റിലെ മുഴ നീക്കം ചെയ്യാനാണ്. അനസ്തേഷ്യ നല്കി ശസ്ത്രക്രിയ ഭംഗിയായി പൂര്ത്തിയാക്കി. ആറു ദിവസം കഴിഞ്ഞപ്പോള് രോഗിക്ക് വായിലൂടെ രക്തം വരികയും ശ്വാസതടസം നേരിടുകയും ചെയ്തു. ഭക്ഷണം ഇറക്കാനും ബുദ്ധിമുട്ട് നേരിട്ടു.
വീണ്ടും ആശുപത്രിയില് എത്തി. മരുന്നുകള് കൊടുത്ത് തിരികെ വീട്ടിലേക്ക് വിട്ടു. പക്ഷേ അസ്വസ്ഥത മാറിയില്ല. വീണ്ടും കക്ഷി ആശുപത്രിയിലെത്തി. അണുബാധയാണോ എന്നായി അടുത്ത സംശയം. പിന്നെ വിദഗ്ധ പരിശോധന. തൊണ്ടയില് അര്ധവൃത്താകൃതിയില് എന്തോ ഒരു വസ്തുവുണ്ടെന്ന് കണ്ടെത്തി. അതെന്താണെന്ന് ഡോക്ടര്മാര് തലപുകഞ്ഞ് ആലോചിക്കുന്നതിനിടെയാണ് തന്റെ വെപ്പു പല്ല് വായില് ഇല്ലെന്ന് വൃദ്ധന് ഓര്മവന്നത്.
അതെവിടെയോ നഷ്ടപ്പെട്ടുവെന്നാണ് താന് കരുതിയതെന്നും അതാണോ ആ അര്ധവൃത്താകൃതിയിലുള്ളതെന്നും വൃദ്ധന് സംശയം പ്രകടിപ്പിച്ചയുടന് സ്കാനിംഗ് വഴി സംഭവം അതുതന്നെയാണെന്ന് ഡോക്ടര്മാര് സ്ഥിരീകരിച്ചു. പിന്നെ വൈകിയില്ല, മറ്റൊരു ശസ്ത്രക്രിയയിലൂടെ വെപ്പു പല്ല് പുറത്തെടുത്തു.
https://www.facebook.com/Malayalivartha