അട്ടപ്പാടിയിലെ മുത്തശ്ശിയുടെ മുന്നില് ചോദ്യവുമായി എത്തിയ ആളെ കണ്ട് മുത്തശ്ശി ഞെട്ടി!
സംസ്ഥാന സാക്ഷരതാമിഷന് നടപ്പാക്കുന്ന ആദിവാസി സാക്ഷര മിഷന് പദ്ധതിയുടെ മൂന്നാം ഘട്ടത്തിന്റെ ഭാഗമായി, ശേഷിക്കുന്ന നിരക്ഷരരെ കണ്ടെത്താനുളള സര്വേ ഇന്നലെ തുടങ്ങി. അട്ടപ്പാടിയെ സമ്പൂര്ണ സാക്ഷരത നേടുന്ന ഇന്ത്യന് ആദിവാസി ബ്ലോക്കായി ഏപ്രില് 18-ന് പ്രഖ്യാപിക്കുകയാണ് പദ്ധതിയുടെ ലക്ഷ്യം.
അട്ടപ്പാടി ആദിവാസി സമ്പൂര്ണ സാക്ഷരത ഉത്ഘാടനത്തിന്റെ ഭാഗമായി, അക്ഷരാഭ്യാസം നേടിയിട്ടില്ലാത്തവരുടെ ലിസ്റ്റ് തയ്യാറാക്കലായിരുന്നു ആദ്യഘട്ട പ്രവര്ത്തനം. പൃഥ്വിരാജ് ആയിരുന്നു ഉദ്ഘാടകനായി എത്തിയത്.
താരത്തിന്റെ സൗകര്യാര്ഥം ഉദ്ഘാടനം ലൊക്കേഷനിലാക്കുകയായിരുന്നു. അഗളി കാവുണ്ടിക്കല്ലിലെ ഷൂട്ടിങ് ലൊക്കേഷനിലായിരുന്നു ഉദ്ഘാടനം.
അട്ടപ്പാട്ടിയിലെ നിരക്ഷരരുടെ പേര് എഴുതിയെടുക്കുന്നതിനായി പേനയും കടലാസുമായി എത്തിയത് സൂപ്പര്താരമാണ് എന്ന് കണ്ടപ്പോള് അട്ടപ്പാടിക്കാര് അന്തംവിട്ടുപോയി.
പൃഥ്വി ആദ്യം എത്തിയത് മരുതി മുത്തശ്ശിയുടെ അടുക്കലായിരുന്നു. ആദ്യം അങ്കലാപ്പിലായിരുന്നെങ്കിലും പിന്നീട് പൃഥ്വിയുടെ ചോദ്യത്തിന് ചെറു പുഞ്ചിരിയോടെ മുത്തശ്ശി മറുപടി പറഞ്ഞു. മരുതി, വയസ് 70, പഠിച്ചിട്ടില്ല.
അറിവ് നേടുന്നതിലൂടെ മാത്രമേ ചൂഷണങ്ങളില് നിന്ന് മോചിതരാകാന് സാധിക്കൂ എന്ന് പൃഥ്വിരാജ് വ്യക്തമാക്കി. എഴുത്തും വായനയും ശീലിക്കാന് ആരും മടിക്കരുതെന്ന് താരം ഉപദേശിച്ചു.
അഗളി പഞ്ചായതത്ത് അധ്യക്ഷ ശ്രീലക്ഷ്മി ശ്രീകുമാര്, വൈസ് പ്രസിഡന്റ് സി.പി.ബാബു, അംഗം നഞ്ചി, മാര്ട്ടിന് ജോസഫ്, സാക്ഷരതാ മിഷന് അസി.കോഓര്ഡിനേറ്റര് എം.മുഹമ്മദ് ബഷീര് എന്നിവരും പങ്കെടുത്തു.
സച്ചി രചനയും സംവിധാനവും നിര്വഹിക്കുന്ന അയ്യപ്പനും കോശിയും എന്ന സിനിമയില് അഭിനയിക്കാനാണ് പൃഥ്വിരാജ് അട്ടപ്പാടിയിലെത്തിയത്.
https://www.facebook.com/Malayalivartha