ഇരുമ്പു പൈപ്പില് തല കുടുങ്ങിയ പൂച്ചയെ രക്ഷിക്കാന് കട്ടിങ് യന്ത്രമെത്തിയപ്പോള് വൈദ്യുതിയില്ല, ഒടുവില്...
കടുത്തുരുത്തിയ്ക്കടുത്ത് ഞീഴൂര് പാഴുത്തുരുത്തില് പുളിക്കിയില് ജോണിന്റെ വീടിന്റെ പരിസരത്ത് ഒരു വളര്ത്തു പൂച്ചയുടെ തല ഇരുമ്പു പൈപ്പിനുള്ളില് കുരുങ്ങി. മുട്ടുചിറയില് നിന്ന് അഗ്നിശമന സേന എത്തി ശ്രമിച്ചെങ്കിലും തല പുറത്തെടുക്കാന് കഴിഞ്ഞില്ല. പൈപ്പ് കട്ട് ചെയ്യുന്ന യന്ത്രം എത്തിച്ചെങ്കിലും അപ്പോള് ആ പ്രദേശത്ത് വൈദ്യുതി മുടങ്ങിയിരിക്കുകയായിരുന്നു.
സമീപമുള്ള മരിയ മല ആശ്രമത്തില് ജനറേറ്റര് ഉണ്ടെന്നു മനസ്സിലായതോടെ ആശ്രമം പ്രിയോര് ഫാ. ബിജു താഴത്തുചെരുവിലിന്റെ അനുവാദം തേടി. പൈപ്പിനുള്ളില് തല കുടുങ്ങിയ പൂച്ചയുമായി ബൈക്കില് അഗ്നിശമന സേനാംഗങ്ങള് ആശ്രമത്തിലെത്തി.
വെല്ഡിങ് ജോലി അറിയാവുന്ന കുന്നപ്പേറമ്പില് കുര്യാക്കോസിനെയും സലി പുതിയാപറമ്പിലിനേയും സ്ഥലത്ത് എത്തിച്ച് ഏറെ പണിപ്പെട്ട് പൈപ്പ് മുറിച്ച് നീക്കി പൂച്ചയെ രക്ഷപ്പെടുത്തി.
അങ്ങനെ അഗ്നിശമന സേനാംഗങ്ങളുടേയും നാട്ടുകാരുടേയും രണ്ടു മണിക്കൂര് നീണ്ട ശ്രമത്തിനൊടുവില് 12 മണിക്കൂര് പൈപ്പിനുള്ളിലായിരുന്ന തല പൂച്ചയ്ക്ക് തിരികെ കിട്ടി!
ഫയര് ഓഫിസര് ടി എം അലക്സ്, ഓഫിസര്മാരായ കെ പി അനൂപ്, സണ്ണി ജോര്ജ്, കെ പി അനീഷ് കുമാര്, ശ്രീനാഥ് എന്നിവരാണ് സംഘത്തില് ഉണ്ടായിരുന്നത്.
https://www.facebook.com/Malayalivartha
