അനുദിനം റോഡ് അപകടങ്ങള്‍ കൂടിക്കൊണ്ടിരിക്കുകയാണ് ഇന്ന്. അശ്രദ്ധയാണ് പല അപകടങ്ങളും ഉണ്ടാകുന്നത്. എന്നാല്‍ ചൈനയില്‍ നിയമങ്ങളൊക്കെ പാലിച്ച് സീബ്രാലൈനിലൂടെ റോഡ് മുറിച്ച് കടക്കുന്ന ഒരു യുവതിയ്ക്ക് സംഭവിച്ചത് ഞെട്ടിക്കുന്ന അനുഭവമാണ്. റോഡ് കടക്കുന്നതിനിടെ കാര്‍ തട്ടി റോഡില്‍ വീണ യുവതിയുടെ ശരീരത്തില്‍ രണ്ട് തവണ കാര്‍ കയറിയിട്ടും അത്ഭുതകരമായി രക്ഷപ്പെടുന്ന വീഡിയോ വൈറലാവുന്നു.

റോഡ് ക്രോസ് ചെയ്യുന്നതിനിടെ പുറകില്‍ വന്ന കാര്‍ യുവതിയെ ഇടിച്ചിടുകയായിരുന്നു. പിന്നീട് വണ്ടിയുടെ ഡ്രൈവര്‍ പുറത്തിറങ്ങുകയും കാര്‍ പൊക്കാന്‍ നോക്കുമ്പോള്‍ സമീപം ഉണ്ടായിരുന്ന ആളുകള്‍ യുവതിയെ വലിച്ച് പുറത്തെടുക്കാന്‍ ശ്രമിക്കുകയും ചെയ്തു. അതിനിടെയില്‍ കാറിനകത്ത് ഉണ്ടായിരുന്ന മറ്റൊരാളുടെ കൈ തട്ടി വീണ്ടും എങ്ങനെയോ കാര്‍ മുന്നോട്ട് നീങ്ങി യുവതിയുടെ ശരീരത്ത് പാഞ്ഞുകയറി.

എന്നാല്‍ യുവതി ഭാഗ്യം കൊണ്ട് വലിയ അപകടങ്ങളില്ലാതെ രക്ഷപ്പെട്ടു. പക്ഷ കണ്ടു നിന്നവരൊക്കെ യുവതി മരിച്ചുവെന്നാണ് ആദ്യം കരുതിയത്. എന്നാല്‍ യുവതിയ്ക്ക് നിസാര പരിക്കുകളെ ഉണ്ടായുള്ളൂ എന്ന് പിന്നീട് മനസ്സിലായി. സമീപത്തുള്ള ട്രാഫിക് ക്യാമറയില്‍ പതിഞ്ഞ ദൃശ്യങ്ങളാണ് പുറത്തുവന്നിരിക്കുന്നത്.