ലൈക്ക് എ വിര്ജിന് എന്ന ഗാനവുമായി വീണ്ടും സിസ്റ്റര് ക്രിസ്റ്റീന
കോണ്വെന്റിലെ സഹ സിസ്റ്റര്മാരുമായി എത്തി വോയ്സ് ഓഫ് ഇറ്റലിയുടെ സ്റ്റേജ് ഇളക്കിമറിച്ച കന്യാസ്ത്രീയെ കണ്ട്
ഇറ്റലിക്കാര് മാത്രമല്ല ലോകത്തിലെ എല്ലാവരും ഞെട്ടി. വോയ്സ് ഓഫ് ഇറ്റലിയിലെ വിജയിയായി മാറിയ സിസ്റ്ററിന്റെ സംഗീത ജീവിതം അവസാനിച്ചു എന്നാണ് കുറച്ചുനാല് മുമ്പ് വരെ എല്ലാവരും കരുതിയിരുന്നത്. എന്നാല് വിമര്ശിച്ചവര്ക്കുള്ള മറുപടിയായി സിസ്റ്റര് ക്രിസ്റ്റീനയുടെ ആദ്യ ഗാനം ലൈക്ക് എ വിര്ജിന് പുറത്തിറങ്ങി.
വോയ്സ് ഓഫ് ഇറ്റലിയില് പങ്കെടുത്തത് മുതല് ഇന്റര്നെറ്റിലെ താരമായി മാറിയ സിസ്റ്ററിന്റെ പാട്ടുകള്ക്കെല്ലാം യൂട്യൂബില് വന് പ്രചാരമാണ് ലഭിച്ചത്. ഓഡിഷന് റൗണ്ടില് ക്രിസ്റ്റീന പാടിയ നോ വണ് എന്ന ഗാനം 58 കോടി ആളുകളാണ് ഇതുവരെ യൂട്യൂബിലൂടെ കണ്ടിരിക്കുന്നത്. കേള്ക്കുന്നവരെ വിസ്മയിപ്പിക്കുന്ന ആലാപന ശൈലിയുമായി ക്രിസ്റ്റീന എന്ന 25 കാരി സിസ്റ്റര് എത്തിയത് മിലാനിലെ ഹോളിഫാമിലി കോണ്മെന്റില് നിന്നായിരുന്നു, കോണ്വെന്റിലെന്റിലെ മറ്റ് സിസ്റ്റര്മാരോടൊപ്പം എത്തിയ സിസ്റ്ററിന് ഷോയില് മികച്ച പിന്തുണയാണ് ലഭിച്ചിരുന്നത്. കോണ്വെന്റ് സംഘടിപ്പിച്ച ഒരു സംഗീത പരിപാടിയില് പങ്കെടുത്ത പരിചയം മാത്രമുള്ള സിസ്റ്റര് ഇത്ര വലിയ പരിപാടിയില് പങ്കെടുക്കുന്നതും വിജയി ആകുന്നതും ആദ്യമായിട്ടായിരുന്നു.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha