അപകടത്തിപ്പെട്ട് വനത്തില് കുടുങ്ങിയ ആള് മുന്നുദിവസം ഇഴഞ്ഞ് നാട്ടിലെത്തി
കാറപകടത്തില്പ്പെട്ട് ഗുരുതരമായി പരുക്കേറ്റ് വനത്തില് കുടുങ്ങിയ ആള് മൂന്ന് ദിവസത്തിന് ശേഷം ഇഴഞ്ഞ് ഗ്രാമത്തിലെത്തി. മലേഷ്യന് സ്വദേശിയായ നിക്കോളാസ് ആന്ഡ്രുവാണ് മുന്നുദിവസം വനത്തിലൂടെ ഇഴഞ്ഞു നീങ്ങി ഗ്രാമത്തിലെത്തിയത്.
ഞായറാഴ്ച രാവിലെ മലേഷ്യയിലെ ഹൈവേയിലൂടെ സഞ്ചരിച്ച നിക്കോളാസിന്റെ കാര് അപകടത്തില്പ്പെട്ട് മലയിടുക്കുകളിലേക്ക് മറിയുകയായിരുന്നു. അപകടത്തില് നിക്കോളാസിന്റെ കൈകാലുകള് ഒടിഞ്ഞ് ചതഞ്ഞു. ഒപ്പമുണ്ടായിരുന്ന സഹയാത്രികന് മരണപ്പെടുകയും ചെയ്തു.
അപകടത്തില് അബോധാവസ്ഥയിലായ നിക്കോളാസ് ബോധം തിരിച്ച് കിട്ടിയപ്പോള് പുഴയുടെ തീരത്തിലൂടെ ഇഴയുകയായിരുന്നു. ശരീരമാസകലം വേദനയുണ്ടായിരുന്നു. അലറി കരഞ്ഞിട്ടും ഫലമുണ്ടായില്ല. കൊടും വനത്തിനുള്ളിലാണ് അകപ്പെട്ടതെന്ന് മനസിലാക്കിയ നിക്കോളാസ് എഴുന്നേല്ക്കാന് ശ്രമിച്ചിട്ടും കഴിയാതെവന്നപ്പോഴാണ് ഇഴയാന് തീരുമാനിച്ചത്. മൂന്ന് ദിവസത്തോളം ഇഴഞ്ഞുനീങ്ങി ഗ്രാമത്തിലെത്തിയ നിക്കോളാസിനെ ഗ്രാമവാസികളാണ് ആശുപത്രിയില് പ്രവേശിപ്പിച്ചത്. വിവാഹ ക്ഷണക്കത്ത് വിതരണം ചെയ്യാന് പോകുന്ന വഴിയാണ് അപകടം സംഭവിച്ചതെന്ന് ഇയാള് മാധ്യമങ്ങളോട് പറഞ്ഞു.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha