ആന്‍ഡമാന്‍ ദ്വീപസമൂഹത്തിലെ സംരക്ഷിത \'ജറാവാ\' ട്രൈബല്‍ റിസര്‍വ്വില്‍, അനുമതിയില്ലാതെ കടന്ന് അവരെ കുറിച്ച് ഡ്യോക്യുമെന്ററി നിര്‍മ്മിച്ചതായി കേസ്. രണ്ട് ഫ്രഞ്ച് ഫിലം നിര്‍മ്മാതാക്കള്‍ക്കെതിരെയാണ് കേസ്.
\'ജറാവാ\' ഗോത്രക്കാരോട് ആടുത്തിടപഴകുന്നതിനും \'ജറാവാ\' മേഖലയില്‍ പ്രവേശിക്കുന്നതിനും, അവര്‍ക്ക് എന്തെങ്കിലും കൊടുക്കുന്നതിനുമൊക്കെ വിലക്കേര്‍പ്പെടുത്തിയിട്ടുണ്ടെന്ന് അറിയിച്ചുകൊണ്ട് ജറാവാ മേഖലയിലുളള ആന്‍ഡമാന്‍ ട്രങ്ക് റോഡില്‍ തന്നെ ബോര്‍ഡ് സ്ഥാപിച്ചിട്ടുളളതാണ്. ഈ വിലക്കുകള്‍ ലംഘിച്ച് ഫ്രഞ്ച് സംവിധായകന്‍ അലക്‌സാന്ദ്രേ ഡെറിംസും നിര്‍മ്മാതാവ് ക്ലെയര്‍ ബെയില്‍ വേര്‍ട്ടും ഡോക്യമെന്ററി നിര്‍മ്മിച്ചിട്ടുണ്ടെങ്കില്‍ അത് കുറ്റകരമാണെന്ന് ഇവിടത്തെ ട്രൈബല്‍ വെല്‍ഫയര്‍ സെക്രട്ടറി പറഞ്ഞു. പോലീസ് തെളിവ് ശേഖരിച്ചു കൊണ്ടിരിക്കുകയാണെന്നും കുറ്റം തെളിഞ്ഞാല്‍ മൂന്നു വര്‍ഷത്തെ തടവുശിക്ഷ വരെ കിട്ടാന്‍ സാധ്യതയുണ്ടെന്നും ചൂണ്ടിക്കാണിക്കപ്പെടുന്നു.

ഡോക്യുമെന്ററി നിര്‍മ്മാണത്തിനുവേണ്ട ഒത്താശകള്‍ ചെയ്ത് കൊടുത്തതിന് അവിടെയുളള മറ്റു രണ്ടുപേരേയും അറസ്റ്റു ചെയ്തിട്ടുണ്ട്. ഇക്കഴിഞ്ഞ മാര്‍ച്ച്-എപ്രിലിലാണ് ഡോക്യമെന്ററി നിര്‍മ്മാണം നടന്നത്. ജറാവായുമായി ബന്ധപ്പെട്ട ഒരു ചിത്രങ്ങളും വീഡിയോകളും പ്രദര്‍ശിപ്പിക്കരുതെന്ന് അവര്‍ക്ക് നോട്ടീസ് നല്‍കിയിട്ടുണ്ടെന്ന് വെല്‍ഫെയര്‍ സെക്രട്ടറി പറഞ്ഞു. ഓര്‍ഗാനിക് ജറാവാ എന്നാണ് ഡോക്യുമെന്ററിയുടെ പേര്.
പ്രൊട്ടക്ഷന്‍ ഓഫ് ദ അബൊറിജിനല്‍ ട്രൈവ്‌സ് (അമെന്റ്‌മെന്റ്) ആക്ട് 2012, ഫോറിനേഴ്‌സ് അമെന്റ്‌മെന്റ് ആക്ട്-2004, ഇന്‍ഫോര്‍മേഷന്‍ ടെക്‌നോളജി ആക്ട് എന്നിവ ലംഘിട്ടച്ചതായാണ് കേസ്. 55,000 വര്‍ഷങ്ങള്‍ക്കു മുമ്പ് ഇന്ത്യന്‍ മഹാസുദ്രതീരത്ത് വസിച്ചരുന്ന 4 ഗോത്ര വിഭാഗങ്ങളില്‍ ഗ്രേറ്റ് ആന്‍ഡമാനീസ് വിഭാഗത്തില്‍പ്പെട്ടതാണ് ഇറാവകള്‍.
ജറാവാ ഗോത്രവര്‍ഗ്ഗക്കാര്‍ പുറം ലോകവുമായി യാതൊരു ബന്ധവുമില്ലാത്തവരാണെന്നും അതുകൊണ്ടു തന്നെ മറ്റുളളവരുമായി സമ്പര്‍ക്കത്തിലായാല്‍ അണുബാധയുണ്ടാകാന്‍ സാധ്യതയുളളവരാണെന്നും അവരുടെ ഗോത്രത്തിന്റെ നിലനില്‍പ്പിനെത്തന്നെ ഇതു ബാധിക്കും എന്നുളളതിനാലാണ് ഇത്തരം വിലക്കുകളെന്നും പറയപ്പെടുന്നു.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha