ഭക്ഷണം വേണ്ട, ഒരു വര്‍ഷമായി വിശപ്പും ദാഹവുമില്ലാതെ പന്ത്രണ്ടുകാരന്‍
പന്ത്രണ്ടുകാരനായ യുഎസ്‌ ബാലന്‍ ഒരു വര്‍ഷമായി ഒന്നും കഴിക്കാതെ, വിശപ്പും ദാഹവുമില്ലാതെ കഴിയുന്നു. ലാന്‍ഡന്‍ ജോണ്‍സ്‌ എന്ന ബാലനാണ്‌ കഴിഞ്ഞ വര്‍ഷം ഒക്‌ടോബര്‍ 13 നു രാത്രിയില്‍ വിശപ്പും ദാഹവും കെട്ടു പോയത്‌. പിന്നീട്‌ ഇതുവരെ തിരിച്ചു വന്നിട്ടില്ല.
മാതാപിതാക്കള്‍ നിര്‍ബന്ധിക്കുമ്പോള്‍ സാന്‍ഡ്‌വിച്ചില്‍ ഒന്നു കടിക്കും. അതും വല്ലപ്പോഴും. കഴിഞ്ഞ വര്‍ഷം 65 അധ്യയന ദിനങ്ങളാണ്‌ സ്‌കൂളില്‍ പോവാതെ നഷ്‌ടമായത്‌. വിശപ്പു കെട്ടു പോയ ദിവസം വരെ ഓടിച്ചാടിയും സൈക്കിളില്‍ കയറിയും ഉല്ലാസവാനായിരുന്ന ലാന്‍ഡന്‍ പിന്നീട്‌ അതെല്ലാം നിര്‍ത്തി. പിതാവ്‌ മൈക്കലും മാതാവ്‌ ഡെബിയും ജോണ്‍സിനെ ആദ്യം അയോവ സംസ്ഥാനത്തെ വാട്ടര്‍ലൂവിലുള്ള ആശുപത്രിയില്‍ പരിശോധിപ്പിച്ചു. ഡോക്‌ടര്‍മാര്‍ക്ക്‌ ഒന്നും കണ്ടെത്താനായില്ല. മറ്റു മൂന്ന് ആശുപത്രികളില്‍ പരിശോധിച്ചിട്ടും ഡോക്‌ടര്‍മാര്‍ കൈമലര്‍ത്തിയതോടെ മിനസോട്ട സംസ്ഥാനത്തെ പ്രസിദ്ധമായ മയോ ക്ലിനിക്കില്‍ പരിശോധിപ്പിച്ചു. അവര്‍ക്കും ഉത്തരമില്ല. കുഞ്ഞിന്റെ ഈ അവസ്ഥയില്‍ മാതാപിതാക്കള്‍ അതീവ ദുഖിതരാണ്‌
എന്താണു രോഗമെന്ന്‌ ലാന്‍ഡനെ പരിശോധിക്കുന്ന 5 ആശുപത്രികളിലെ ഡോക്‌ടര്‍മാര്‍ക്കും കണ്ടു പിടിക്കാന്‍ കഴിയുന്നില്ല. ലോകത്ത്‌ ആദ്യമായാണ്‌ ഇങ്ങനെയൊരു സംഭവമെന്ന്‌ വിദഗ്‌ദ്ധര്‍ കരുതുന്നു.
അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക
https://www.facebook.com/Malayalivartha
