യുവ ഐഎഎസ് ഉദ്യോഗസ്ഥന് ആദരാഞ്ജലി അര്പ്പിച്ച് വളര്ത്തുനായ
ബെംഗളൂരുവിലെ ഫ്ളാറ്റില് ദുരൂഹ സാഹചര്യത്തില് തൂങ്ങിമരിച്ച നിലയില് കണ്ടെത്തിയ യുവ ഐഎഎസ് ഉദ്യോഗസ്ഥന് ഡികെ രവിയുടെ മൃതദേഹം പൊതുദര്ശനത്തിനു വച്ചപ്പോള് എല്ലാവരെയും ദുഃഖത്തിലാഴ്ത്തിയ രംഗമായിരുന്നു വളര്ത്തുനായയുടെ സ്നേഹപ്രകടനം. മൃതദേഹത്തിനരികില് നിസ്സഹായനായി മോങ്ങുന്ന നായയുടെ ചിത്രങ്ങള് സോഷ്യല് മീഡിയകളിലൂടെ പ്രചരിക്കുന്നുണ്ട്.
പൊട്ടിക്കരയുന്ന രവിയുടെ ഭാര്യയുടെ തൊട്ടടുത്തായി നായയും ശവപ്പെട്ടിയില് പിടിച്ചു നില്ക്കുന്നതാണ് ചിത്രം. കോറമംഗലയ്ക്കു സമീപം താവരക്കെരെയിലുള്ള സെന്റ് ജോണ്സ് വുഡ് അപ്പാര്ട്ട്മെന്റിലെ വസതിയിലായിരുന്നു രവിയുടെ മൃതദേഹം. വൈകിട്ട് 5.45ന് ഭാര്യ കുസുമ ജോലി കഴിഞ്ഞ് മടങ്ങിയെത്തിയപ്പോഴാണു കിടപ്പുമുറിയുടെ സീലിങ്ങില് തൂങ്ങിമരിച്ച നിലയില് കണ്ടത്. 2009 ബാച്ച് ഐഎഎസ് ഓഫിസറാണ്.
കര്ണാടകയിലെ കോലാറില് മണല്മാഫിയക്കെതിരെ പോരാടിയ ഉദ്യോഗസ്ഥനായിരുന്നു രവി വാണിജ്യനികുതി (എന്ഫോഴ്സ്മെന്റ്) വിഭാഗം അഡീഷനല് കമീഷണറായിരുന്നു. കോലാറില് കലക്ടറായിരിക്കെയാണ് മണല് മാഫിയയ്ക്കെതിരെയുള്ള പോരാട്ടത്തിലൂടെ രവി ശ്രദ്ധേയനായത്. വന്കിട കെട്ടിട നിര്മാതാക്കളുടെ നികുതിവെട്ടിപ്പും മറ്റും വെളിച്ചത്തു കൊണ്ടുവന്ന ഉദ്യോഗസ്ഥനെന്ന നിലയ്ക്കു കൊലപാതകമാണോ എന്നും അന്വേഷിക്കുന്നുണ്ട്.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha