കേരളത്തില്‍ ബാറുകള്‍ പൂട്ടിയതോടെ വീട്ടിലിരുന്ന് മദ്യം വാറ്റാവുന്ന ഉപകരണങ്ങളുമായി ഓണ്‍ലൈന്‍ വിപണികള്‍. ഉപകരങ്ങള്‍ എങ്ങനെ ഉപയോഗിക്കണമെന്ന് അറിയാനായി പഠന സഹായിയായി യൂട്യൂബ് വിഡിയോകളും ഉണ്ട്.
ഹോം ആല്‍ക്കഹോള്‍ ഡിസ്റ്റിലറി എന്ന പേരില്‍ അറിയപ്പെടുന്ന ഉപകരണങ്ങളാണ് ഓണ്‍ലൈനില്‍ ലഭിക്കുന്നത്. അലിബാബ, ഇ ബേ തുടങ്ങിയ വമ്പന്‍ ശൃംഖലകളുടെ സൈറ്റുകളിലാണ് ഇവയുടെ പരസ്യം. ഇത് ഇന്ത്യയില്‍ ഡെലിവറി ലഭിക്കുമെന്നും വ്യക്തമാക്കുന്നുണ്ട്.
രണ്ട് കമ്പനികള്‍ക്കും ഇന്ത്യയില്‍ നൂറുകണക്കിന് വിതരണക്കാരുണ്ടത്രെ. യു.എസ് കമ്പനികള്‍ നിര്‍മ്മിക്കുന്ന വാറ്റുപകരണങ്ങളാണ് പോര്‍ട്ടലുകളില്‍ കാണുന്നത്. 110 യു.എസ് ഡോളര്‍ മുതല്‍ 200 വരെയാണ് വില. ഏകദേശം 7000 മുതല്‍ 12000 രൂപ വരെ. പലതും സ്‌റ്റെയിന്‍ലെസ് സ്റ്റീലു കൊണ്ട് നിര്‍മ്മിച്ചവയാണെന്നും സുരക്ഷിതവുമെന്നുമാണ് കമ്പനികളുടെ അവകാശ വാദം.
ബാറുകള്‍ പൂട്ടിയതോടെ വീട്ടിലിരുന്ന് മദ്യം അനായാസമായി വാറ്റാനുള്ള സാദ്ധ്യതയാണ് ഓണ്‍ലൈന്‍ വിപണി വിശദീകരിക്കുന്നത്. അന്താരാഷ്ട്ര പോര്‍ട്ടലുകളിലൂടെ ഉപകരണങ്ങള്‍ ലഭിക്കുന്നതോടെ സംസ്ഥാനത്തേക്ക് ഇവ എത്തുമോയെന്ന ആശങ്കയിലാണ് എക്‌സൈസ് വകുപ്പ്.
എന്നാല്‍, ഇത്തരം ഉപകരണങ്ങള്‍ കൈവശം വയ്ക്കുന്നത് അബ്കാരി നിയമപ്രകാരം പത്ത് വര്‍ഷം വരെ തടവ് ശിക്ഷ ലഭിക്കാവുന്ന കുറ്റമാണ്.ഇതിനൊപ്പമാണ് യു ട്യൂബ് വിഡിയോകള്‍ പ്രചരിക്കുന്നത്. എങ്ങനെ മദ്യം വാറ്റിയെടുക്കാമെന്നാണ് ഇവ പറയുന്നത്.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha