അപ്രതീക്ഷിതമായാണ് യാത്രക്കാര്‍ക്ക് ഗതാഗത തടസം ഉണ്ടാക്കി നടുറോഡില്‍ ഒരു സുഖപ്രസവം നടന്നത്. അന്തര്‍ സംസ്ഥാന പാതയായ ചാലക്കുടി മലക്കപ്പാറ റോഡില്‍ ആനക്കയം ഭാഗത്താണ് പ്രസവം നടന്നത്.നിരവധി ആനകളുടെ സംരക്ഷണത്തിലായിരുന്നു ഈ ആനയുടെ സുഖപ്രസവം നടന്നത്. പ്രസവത്തിന് ശേഷം ആനക്കുട്ടിക്ക് നടക്കാന്‍ സാധിക്കാതെ വന്നപ്പോള്‍ ആനയും കുട്ടിയും റോഡില്‍ നിലയുറപ്പിക്കുകയായിരുന്നു. തുടര്‍ന്ന് ആറ് മണിക്കൂര്‍ വഴിയിലുടെയുള്ള ഗതാഗതം മുടങ്ങി. ഉച്ചയ്ക്ക് പന്ത്രണ്ടര മുതല്‍ വൈകിട്ട് ആറരവരെയാണ് ഗതാഗതം സ്തംഭിച്ചത്.
രാവിലെ ആദിവാസികളാണ് ആനക്കൂട്ടത്തെ വാച്ച്മരം ഫോറസ്റ്റ് സ്‌റ്റേഷന് സമീപം കണ്ടത്. റോഡില്‍നിന്ന് പത്തടി മുകളിലായിരുന്നു ആനയും കുഞ്ഞും ഉണ്ടായിരുന്നത്. തുടര്‍ന്ന് മണ്‍തിട്ടയിടിച്ച ആന കുഞ്ഞുമായി റോഡിലെത്തി. ഇതോടെ ആദിവാസികള്‍ വാച്ച്മരം ഫോറസ്റ്റ് സ്‌റ്റേഷനില്‍ വിവരം അറിയിച്ചു. തുടര്‍ന്ന് കുട്ടിയുള്ളതിനാല്‍ ആന ആക്രമിക്കാന്‍ ഇടയുള്ളത് കൊണ്ട് വാച്ച്മരം ഭാഗത്തും ആനക്കയം ഭാഗത്തും വനപാലകര്‍ വാഹനങ്ങള്‍ പിടിച്ചിട്ടു.
റോഡില്‍ നിന്നും കുഞ്ഞുമായി വനത്തിലേക്ക് കയറാന്‍ ശ്രമിച്ചെങ്കിലും കുഞ്ഞിന് നടക്കാന്‍ കഴിഞ്ഞില്ല. തുടര്‍ന്ന് കുഞ്ഞിന് കാവലവയി തള്ളയാന മറാഡില്‍ തന്നെ നിലയുറപ്പിച്ചു. ഏറെ നേരത്തിന് ശേഷം ആനയും കുഞ്ഞും മറ്റ് ആനകളും വനത്തിനുള്ളിലേക്ക് കയറി. ഇതെ തുടര്‍ന്ന് വാഹന ഗതാഗതം വനപാലകര്‍ പുനസ്താപിച്ചു. കെ എസ് ആര്‍ ടി സി, സ്വകാര്യ ബസുകള്‍ ഉള്‍പ്പെടെ നൂറുകണക്കിന് വാഹനങ്ങളാണ് കുടുങ്ങിക്കിടന്നത്.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha