ആറു വര്‍ഷങ്ങള്‍ക്ക് ശേഷം ജോര്‍ജ്ജ് കുട്ടിയെ നിങ്ങള്‍ എവിടേക്കാണ് കൊണ്ടുപോയത്? ജോര്‍ജ്ജ് കുട്ടി മെനഞ്ഞെടുത്ത അവിശ്വസനീയവും സാങ്കല്‍പികവുമായ കഥയില്‍ നിങ്ങള്‍ എന്തെങ്കിലും മയപ്പെടുത്തല്‍ വരുത്തിയോ? ഇതേക്കുറിച്ചൊക്കെ നിങ്ങള്‍ക്ക് ഇതിനകം അറിയാമെന്ന് നിങ്ങള്‍ കരുതുന്നുവെങ്കില്‍.. നിങ്ങളെ ശരിക്കും അതിശയിപ്പിക്കുന്ന കാര്യങ്ങളാണ് ദൃശ്യം 2-ല്‍ ഉള്ളത്'... എല്ലാവരും പ്രതീക്ഷിക്കുന്നതുപോലെയല്ല, ദൃശ്യം 2-ലെ സംഭവങ്ങളെന്നും, ആരെയും ആശ്ചര്യപ്പെടുത്തുമെന്ന് പൃഥ്വിരാജ്
ദൃശ്യം ഒന്നാം ഭാഗത്തെ പോലെ മികച്ച പ്രതികരണങ്ങളാണ് ദൃശ്യം രണ്ടാം ഭാഗത്തിനും ലഭിച്ചുക്കൊണ്ടിരിക്കുന്നത്. മോഹന്‍ലാല്‍ അവതരിപ്പിച്ച ദൃശ്യം 2-ലെ ജോര്‍ജ്ജ് കുട്ടി മലയാളത്തിലെ ഏറ്റവും മികച്ച കഥാപാത്രമാണെന്ന് ചിത്രം കണ്ടശേഷം നടനും സംവിധായകനുമായ പൃഥ്വിരാജ് ഫേസ്ബുക്കില്‍ കുറിച്ചു.
ദൃശ്യം 2 ആമസോണ്‍ പ്രൈമിലൂടെ റിലീസ് ചെയ്യാന്‍ മണിക്കൂറുകള്‍ മാത്രം ബാക്കിയുള്ളപ്പോള്‍ ചിത്രത്തിന്‍റെ പ്രത്യേക ഷോ കണ്ടതായി പൃഥ്വിരാജ് പറഞ്ഞു. എല്ലാവരും പ്രതീക്ഷിക്കുന്നതുപോലെയല്ല, ദൃശ്യം 2-ലെ സംഭവങ്ങളെന്നും, ആരെയും ആശ്ചര്യപ്പെടുത്തുമെന്നും നടന്‍ വിലയിരുത്തി.
താരത്തിന്‍റെ വാക്കുകളിങ്ങനെയായിരുന്നു...
'മലയാളത്തില്‍ ഏറെ ചര്‍ച്ചയായ ഒരു കള്‍ട്ട് സിനിമയുടെ രണ്ടാം ഭാഗം എടുക്കുകയെന്നത് വലിയ ഉത്തരവാദിത്തമാണ്. വ്യവസായത്തിന്‍റെ മുഴുവന്‍ രീതികളെയും മാറ്റിമറിച്ച ഒരു ചിത്രമായിരുന്നു ദൃശ്യം.
അതിന്‍റെ രണ്ടാം ഭാഗം ഒരുക്കുമ്പോള്‍ സമ്മര്‍ദ്ദം വളരെ വലുതായിരിക്കും. എനിക്ക് അതേക്കുറിച്ച്‌ നല്ലതുപോലെ അറിയാം. എന്നാല്‍ ജീത്തു എത്ര മഹത്തരമായാണ് അത് നിര്‍വ്വഹിച്ചിരിക്കുന്നത്!
ആറു വര്‍ഷങ്ങള്‍ക്കു ശേഷം ജോര്‍ജ്ജ് കുട്ടിയെ നിങ്ങള്‍ എവിടേക്കാണ് കൊണ്ടുപോയത്? ജോര്‍ജ്ജ് കുട്ടി മെനഞ്ഞെടുത്ത അവിശ്വസനീയവും സാങ്കല്‍പികവുമായ കഥയില്‍ നിങ്ങള്‍ എന്തെങ്കിലും മയപ്പെടുത്തല്‍ വരുത്തിയോ? ഇത്രയും കാലമായപ്പോഴേക്കും അയാള്‍ക്ക് എന്തെങ്കിലും വീഴ്ച സംഭവിച്ചോ?
അതോ അയാള്‍ കൂടുതല്‍ ട്രിക്ക് പുറത്തെടുക്കുന്നുണ്ടോ? സമയവും നിയമവും ജോര്‍ജ്ജ് കുട്ടിയെ പിടിക്കുന്നുണ്ടോ? ഇതേക്കുറിച്ചൊക്കെ നിങ്ങള്‍ക്ക് ഇതിനകം അറിയാമെന്ന് നിങ്ങള്‍ കരുതുന്നുവെങ്കില്‍.. നിങ്ങളെ ശരിക്കും അതിശയിപ്പിക്കുന്ന കാര്യങ്ങളാണ് ദൃശ്യം 2-ല്‍ ഉള്ളത്'.
https://www.facebook.com/Malayalivartha
