'സൈമ അവസാനം എനിക്ക് ഒരു അവാര്ഡ് തന്നല്ലോ..... കുറച്ചു ത്രില്ലൊക്കെ ഉണ്ട്, താങ്ക്യൂട്ടോ'; സൈമ അവാര്ഡ് വേദിയില് സന്തോഷത്തില് തുള്ളിച്ചാടി പ്രിയതാരം ശോഭന
സൈമ അവാര്ഡ് വേദിയില് ചിരിയുണര്ത്തി നടി ശോഭന. പുരസ്കാരം നേടിയ ശേഷമുള്ള ശോഭനയുടെ രസകരമായ പ്രതികരണമാണ് ഇപ്പോള് എല്ലാവരും ഏറ്റെടുത്തിരിക്കുന്നത്. 'വരനെ ആവശ്യമുണ്ട്' എന്ന ചിത്രത്തിലെ അഭിനയത്തിനായിരുന്നു ശോഭനയ്ക്ക് പുരസ്കാരം.
പുരസ്കാരം വാങ്ങിയ ശേഷം 'സൈമ അവസാനം എനിക്ക് ഒരു അവാര്ഡ് തന്നല്ലോ. കുറച്ചു ത്രില്ലൊക്കെ ഉണ്ട്, താങ്ക്യൂട്ടോ' എന്നായിരുന്നു ശോഭന പറഞ്ഞത്. കൊവിഡ് പശ്ചാത്തലത്തില് കഴിഞ്ഞ വര്ഷം അവാര്ഡ് നൈറ്റ് നടക്കാതിരുന്നതിനാല് 2019, 2020 വര്ഷങ്ങളിലെ പുരസ്കാരങ്ങളാണ് ഇക്കുറി ഒരുമിച്ച് പ്രഖ്യാപിക്കുന്നത്.
മലയാളം, തമിഴ്, തെലുങ്ക്, കന്നഡ ഭാഷകളിലെ മികവുകള്ക്കാണ് പുരസ്കാരം. ഇതില് 2019ലെ മലയാള സിനിമകള്ക്കുള്ള പുരസ്കാരങ്ങളില് മികച്ച നടന് മോഹന്ലാല് ആണ്. മികച്ച ചിത്രം ലൂസിഫര്. മോഹന്ലാലിനൊപ്പം മികച്ച നടനുള്ള 2019ലെ നോമിനേഷന് നേടിയത് ആസിഫ് അലി (കെട്ട്യോളാണ് എന്റെ മാലാഖ), സുരാജ് വെഞ്ഞാറമൂട് (വികൃതി, ആന്ഡ്രോയ്ഡ് കുഞ്ഞപ്പന് വെര്ഷന് 5.25), മമ്മൂട്ടി (ഉണ്ട), നിവിന് പോളി (മൂത്തോന്) എന്നിവരായിരുന്നു.
https://www.facebook.com/Malayalivartha
