പറവൂരിലെ ഒരു തുണിക്കടയില്‍ ജോലി ചെയ്യുന്ന ഒരു പാവം പയ്യന്റെ ദയനീയാവസ്ഥ ഊഹിക്കാമല്ലോ. ജിഷ വധക്കേസുമായി ബന്ധപ്പെട്ട്‌ പോലീസ് തയ്യാറാക്കിയ രേഖാ ചിത്രവുമായി സാമ്യമുണ്ടെന്ന് സോഷ്യല്‍ മീഡിയ ആരോപിക്കുന്ന തസ്‌ലിയുടെ ചിത്രമാണിത്.

കേരളം ആകാംക്ഷയോടെ കാത്തിരിക്കുന്ന കൊലപാതക കേസാണിത്. സോഷ്യല്‍ മീഡിയയില്‍ വാര്‍ത്ത വന്നതോടെ ഈ പയ്യന്‍ സ്ഥലം പഞ്ചായത്ത് മെമ്പറേയും കൂട്ടി പോലീസ് സ്റ്റേഷനില്‍ പോയിരിക്കുകയാണെന്ന് കടയുടമയുടെ ബന്ധുവായ നജീബ് പറയുന്നു.
ജിഷ വധക്കേസില്‍ 2 രേഖാ ചിത്രങ്ങളാണ് പോലീസ് തയ്യാറാക്കിയത്. രണ്ടും തമ്മില്‍ ഒരു ബന്ധവുമില്ല. ഭരണം മാറിയപ്പോള്‍ രേഖാചിത്രവും മാറിയതു പോലയായി.
ജിഷയുടെ കൊലപാതകി എന്നു പറഞ്ഞാണ് ഈ യുവാവിന്റെ ഫോട്ടോ വ്യാപകമായി ഷെയര്‍ ചെയ്യപ്പെടുന്നത്. ആ പയ്യന്‍ ആരെന്നോ എന്തെന്നോ പോസ്റ്റ് ചെയ്യുന്നവര്‍ക്ക് ഒരു ഐഡിയയുമില്ല.
ഇതിനെതിരെ പ്രതികരിച്ച് ചില മാധ്യമങ്ങളും രംഗത്തെത്തി
ഇനി അത്ര സംശയം ആണെങ്കില്‍ ഫോട്ടോ പ്രചരിപ്പിക്കുന്നതിനു പകരം പോലീസില്‍ അറിയിക്കാം. അവര്‍ പ്രതിയെ പിടിക്കുമല്ലോ. ഒരു പക്ഷെ അവന്‍ യഥാര്‍ത്ഥ പ്രതി അല്ല എങ്കില്‍ എന്താണ് അവസ്ഥ? പുറത്തിറങ്ങുന്ന അവനെ ഈ ഫേസ്ബുക്ക് പോസ്ട് നോക്കി വല്ലവനും തല്ലിക്കൊല്ലും, അല്ലെങ്കില്‍ നന്നായൊന്നു പെരുമാറിയിട്ട് സോറി ആളു മാറിപ്പോയി എന്നു പറയും...
പോസ്ട് വൈറലാകുന്നതാണോ, ലൈക്ക് കൂടുതല്‍ കിട്ടുന്നതാണോ എന്നു മാത്രം ചിന്തിക്കാതെ അത് ആരെ, എങ്ങനെ ബാധിക്കും എന്നു കൂടി ചിന്തിക്കുക. ഇത് രാഷ്ട്രീയ പോസ്റ്റുകള്‍ ചെയ്യുന്നത് പോലെ അല്ല.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha