അവസാനം വരെ പൊരുതി നിന്ന ഒസീസിനെ 36 റണ്‍സിനാണ് ടീം ഇന്ത്യ തോല്‍പ്പിച്ചത്. ലോകകപ്പില്‍ തങ്ങളുടെ രണ്ടാം മത്സരത്തില്‍ വാളെടുത്തവരെല്ലാം വെളിച്ചപ്പാടായ പോലെയായിരുന്നു ഇന്ത്യന്‍ ബാറ്റ്‌സ്മാന്മാരുടെ പ്രകടനം. ഓപണര്‍ ശിഖര്‍ ധവാന്റെ സെഞ്ച്വറിയുടെയും (117) ക്യാപ്്റ്റന്‍ വിരാട് കോഹ്‌ലിയുടെയും (82) രോഹിത് ശര്‍മയുടെയും (57) അര്‍ധ സെഞ്ച്വറിയുടെയും ബലത്തില്‍ ഇന്ത്യ അഞ്ചു വിക്കറ്റ് നഷ്്ടത്തില്‍ 352 റണ്‍സിന്റെ കൂറ്റന്‍ വിജയലക്ഷ്യമാണ് ഒസീസിന് മുന്നില്‍ വെച്ചത്. മറുപടി ബാറ്റിങ്ങിനിറങ്ങിയ ആസ്‌ട്രേലിയ 50 ഓവറില്‍ 316 റണ്‍സിന് എല്ലാവരും പുറത്താകുകയായിരുന്നു. ടോസ് നേടി ബാറ്റിങ് തെരഞ്ഞെടുത്ത ഇന്ത്യ കരുതലോടെയാണ് തുടങ്ങിയത്. ഒരു വശത്ത് ധവാന്‍ ആക്രമിച്ച് കളിക്കുമ്പോള്‍ പ്രതിരോധത്തിലൂന്നിയായിരുന്നു രോഹിതിന്റെ ബാറ്റിങ്. ആദ്യ 10 ഓവറില്‍ 42 റണ്‍സ് മാത്രമായിരുന്നു ടീം സ്‌കോര്‍.

കരുതലോടെ നിലയുറപ്പിച്ച രോഹിത് ആക്രമണ മൂഡിലേക്ക് എത്തിയതോടെ ടീം സ്‌കോര്‍ കുതിക്കാന്‍ തുടങ്ങി. 19 ഓവറില്‍ 100 കടന്നു. 23ാം ഓവറില്‍ നതാന്‍ കോള്‍ട്ടര്‍ നൈലിന്റെ പുറത്തേക്കുള്ള പന്തില്‍ ബാറ്റ്് വെച്ച് വിക്കറ്റ് കീപ്പര്‍ അലക്‌സ് കാരിക്ക് ക്യാച്ച് നല്‍കി രോഹിത് മടങ്ങുമ്പോള്‍ ടീം സ്‌കോര്‍ 127 ലെത്തിയിരുന്നു.
തുടര്‍ന്ന് നായകന്‍ കോഹ്‌ലി ക്രീസിലെത്തിയതോടെ സ്‌കോര്‍ അതിവേഗമുയര്‍ന്നു. മിന്നും ഫോമിലുള്ള മിച്ചല്‍ സ്റ്റാര്‍കിനെയും നൈലിനെയും മാര്‍കസ് സ്‌റ്റോയ്‌നിസിനെയും കണക്കറ്റ് ശിക്ഷിച്ചു. സ്‌റ്റോയ്‌നിസ് എറിഞ്ഞ 33ാം ഓവറില്‍ ധവാന്‍ ഏകദിന കരിയറിലെ 17ാം സെഞ്ച്വറി കടന്നു. ടീം സ്‌കോര്‍ 220 നില്‍ക്കെ സ്റ്റാര്‍കിന് വിക്കറ്റ് നല്‍കിയാണ് ധവാന്‍ മടങ്ങിയത്. 109 പന്തില്‍ നിന്ന് 14 ബൗണ്ടറികളുള്‍പ്പെടെ 117 റണ്‍സായിരുന്നു ധവാന്റെ സമ്പാദ്യം. രാഹുലിനെയും ധോണിയെയും മറികടന്ന് ക്രീസിലെത്തിയ ഹര്‍ദിക് പാണ്ഡ്യ ത!ന്റെ വരവിന്റെ ഉദ്ദേശ്യം വ്യക്തമാക്കുന്ന രീതിയിലായിരുന്നു പ്രകടനം. മൂന്നു സിക്‌സും നാല് ഫോറുമുള്‍പ്പെടെ 27 പന്തില്‍ 48 റണ്‍സെടുത്ത് പാറ്റ് കമ്മിന്‍സിന് വിക്കറ്റ് നല്‍കി പാണ്ഡ്യ മടങ്ങുമ്പോള്‍ ടീം സ്‌കോര്‍ 300 കടന്നിരുന്നു.

തുടര്‍ന്ന് ക്രീസിലെത്തിയ ധോണി 14 ബാളില്‍ 27 റണ്‍സെടുത്ത് അവസാന ഓവറില്‍ സ്‌റ്റോണിസിന് വിക്കറ്റ് നല്‍കി. കളിതീരാന്‍ ഒരു പന്ത് ബാക്കിനില്‍ക്കെ 77 പന്തില്‍ 87 റണ്‍സെടുത്ത കോഹ്‌ലിയും മടങ്ങി. ലോകേഷ് രാഹുല്‍ പുറത്താകാെത മൂന്നു പന്തില്‍ നിന്ന് 11 റണ്‍സെടുത്തു. അവസാന 10 ഓവറില്‍ ഇന്ത്യ 116 റണ്‍സാണ് അടിച്ചുകൂട്ടിയത്. മറുപടി ബാറ്റിങ്ങിനിറങ്ങിയ ഒസീസ് അതീവ പ്രതിരോധത്തിലൂന്നിയാണ് തുടങ്ങിയത്.