ഇത് ചരിത്രത്തില്‍ ആദ്യം... മാഞ്ചസ്റ്ററില്‍ ഇന്ത്യയ്ക്ക് നാണക്കേടിന്റെ ഒരു റെക്കോര്‍ഡ്; ഏകദിന ക്രിക്കറ്റ് ചരിത്രത്തില്‍ ആദ്യമായാണ് ഒരു ടീമിന്റെ മൂന്ന് ബാറ്റ്‌സ്മാന്‍മാരും ഒരു റണ്‍സ് മാത്രമെടുത്തു പുറത്താകുന്നത്; വന്‍ നാണക്കേടിന് തിരികൊളുത്തി പഴയതുപോലെ മടങ്ങുന്നു
ലോകകപ്പ് ക്രിക്കറ്റില്‍ ഇന്നത്തെ സെമി മത്സരത്തില്‍ ഇന്ത്യയ്ക്ക് നാണക്കേടുണ്ടാക്കി ഒരു റെക്കോര്‍ഡ്. ഏകദിന ക്രിക്കറ്റ് ചരിത്രത്തില്‍ ആദ്യമായാണ് ഒരു ടീമിന്റെ മൂന്ന് ബാറ്റ്‌സ്മാന്‍മാരും ഒരു റണ്‍സ് മാത്രമെടുത്തു പുറത്താകുന്നത്. ഇന്ത്യയുടെ മുന്‍നിര താരങ്ങളായ രോഹിത് ശര്‍മ്മ, കെ.എല്‍ രാഹുല്‍, ക്യാപ്ടന്‍ വിരാട് കൊഹ്ലി എന്നിവരാണ് ഒരു റണ്‍സ് നേടി പുറത്തായത്. ഇത് ഇന്ത്യയ്ക്ക് നാണക്കേടിന്റെ ഒരു റെക്കോര്‍ഡ് സമ്മാനിച്ചു.
വെറും അഞ്ച് റണ്‍സെടുക്കുന്നതിനിടെ രോഹിത് (1), കൊഹ്ലി (1), രാഹുല്‍ (1) എന്നിവര്‍ നഷ്ടമായതോടെ ഇന്ത്യ ആദ്യം തന്നെ തകര്‍ന്നടിയുകയായിരുന്നു. മാറ്റ് ഹെന്റിയുടെ പന്തില്‍ വിക്കറ്റ് കീപ്പര്‍ ടോം ലാഥമിന് ക്യാച്ച് നല്‍കിയാണ് ഹിറ്റ്മാന്‍ മടങ്ങിയത്. നാല് പന്തില്‍ ഒരു റണ്‍സായിരുന്നു രോഹിത്തിന്റെ സമ്ബാദ്യം. സാഹചര്യങ്ങള്‍ മുതലാക്കി ന്യൂസിലന്‍ഡ് പേസ് നിര മികച്ച ബൗളിംഗ് പുറത്തെടുത്തപ്പോള്‍ ഇന്ത്യന്‍ നായകന്‍ വിരാട് കൊഹ്ലിയും (1) വീണു. ട്രെന്‍ഡ് ബോള്‍ട്ടിന്റെ പന്തില്‍ കോലി വിക്കറ്റിന് മുന്നില്‍ കുടുങ്ങുകയായിരുന്നു. കോലി റിവ്യൂവിന് പോയെങ്കിലും അമ്ബയറുടെ തീരുമാനത്തിന് അനുകൂലമായി മൂന്നാം അമ്ബയറും വിധി എഴുതി. അധികം വൈകാതെ രാഹുലിനെയും (1) മാറ്റ് ഹെന്റി ലാഥമിന്റെ കൈകളില്‍ എത്തിച്ചു.
ഇന്ത്യയ്‌ക്കെതിരെ ടോസ് നേടി ആദ്യം ബാറ്റു ചെയ്ത ന്യൂസിലന്‍ഡ് എട്ട് വിക്കറ്റ് നഷ്ടത്തില്‍ 239 റണ്‍സാണു നേടിയത്. ഭേദപ്പെട്ട വിജയലക്ഷ്യമായിരുന്നിട്ടുകൂടി ഇന്ത്യന്‍ ബാറ്റ്‌സ്മാന്‍മാര്‍ ന്യൂസിലന്‍!ഡ് ബോളിംഗിനു മുന്നില്‍ തകര്‍ന്നടിയുകയായിരുന്നു. 18 റണ്‍സിന്റെ തോല്‍വി വഴങ്ങി ഇന്ത്യ ലോകകപ്പില്‍നിന്നു പുറത്താകുകയും ചെയ്തു.
https://www.facebook.com/Malayalivartha
