മഴ വില്ലനായി; കിവീസിന് 298 റണ്സ് വിജയലക്ഷ്യം
ലോകകപ്പിനായി മത്സരിക്കാന് ന്യൂസിലന്ഡിന് വേണ്ടത് 298 റണ്സ്. മഴ കളിച്ച ഒന്നാം സെമിഫൈനലില് ആദ്യം ബാറ്റ് ചെയ്ത ദക്ഷിണാഫ്രിക്ക അഞ്ച് വിക്കറ്റിന് 281 റണ്സ് നേടി. മത്സരം 43 ഓവറാക്കി വെട്ടിച്ചുരുക്കിയതിനാല് ന്യൂസിലന്ഡിന്റെ വിജയലക്ഷ്യം ഡക്ക്വര്ത്ത് ലൂയിസ് നിയമപ്രകാരം പുനര്നിര്ണയിക്കുകയായിരുന്നു. ഫാഫ് ഡുപ്ലസിസ് (82), ക്യാപ്റ്റന് എ.ബി.ഡിവില്ലിയേഴ്സ് (65) എന്നിവരുടെ അര്ധ സെഞ്ചുറികളാണ് ദക്ഷിണാഫ്രിക്കയെ മുന്നോട്ട് നയിച്ചത്.
ദക്ഷിണാഫ്രിക്ക കൂറ്റന് സ്കോറിലേയ്ക്ക് നീങ്ങുന്നതിനിടെ ഈഡന് പാര്ക്കില് മഴയെത്തി. 38 ഓവറില് 216/3 എന്ന നിലയില് ദക്ഷിണാഫ്രിക്ക ബാറ്റ് ചെയ്യുമ്പോഴാണ് മഴ കളി തടസപ്പെടുത്തിയത്. തുടര്ന്ന് ഒരു മണിക്കൂറിന് ശേഷം കളി പുനരാരംഭിച്ചങ്കിലും ഓവര് വെട്ടിച്ചുരുക്കിയത് ദക്ഷിണാഫ്രിക്കയ്ക്ക് തിരിച്ചടിയായി. മഴയ്ക്ക് ശേഷം വെടിക്കെട്ട് തീര്ത്ത ഡേവിഡ് മില്ലറാണ് ദക്ഷിണാഫ്രിക്കന് സ്കോര് ഉയര്ത്തിയത്. മില്ലര് 18 പന്തില് 49 റണ്സ് അടിച്ചുകൂട്ടി. ആറ് ഫോറും മൂന്ന് സിക്സും മില്ലര് നേടി. 45 പന്ത് നേരിട്ട ഡിവില്ലിയേഴ്സ് എട്ട് ഫോറും ഒരു സിക്സും ഉള്പ്പടെയാണ് 65 റണ്സ് നേടിയത്. റില്ലി റൂസ്വോ 39 റണ്സ് നേടി. കിവീസിന് വേണ്ടി കോറി ആന്ഡേഴ്സണ് മൂന്നും ട്രന്റ് ബോള്ട്ട് രണ്ടും വിക്കറ്റുകള് നേടി.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha