മുസ്ലിം മത വികാരം വ്രണപ്പെടുത്തി....ബംഗ്ലാദേശ് ക്രിക്കറ്റ് താരം ശാകിബുല് ഹസന് വധഭീഷണി
മുസ്ലിം മത വികാരം വ്രണപ്പെടുത്തിയെന്ന് ആരോപിച്ച് ബംഗ്ലാദേശ് ക്രിക്കറ്റ് താരം ശാകിബുല് ഹസന് വധഭീഷണി. ഫേസ്ബുക്ക് ലൈവിലൂടെയാണ് ശാകിബിനെ കൊല്ലുമെന്ന് പറഞ്ഞുള്ള വധ ഭീഷണിയെത്തിയത്. കഴിഞ്ഞ 12ന് കൊല്ക്കത്തയില് നടന്ന കാളി പൂജയും കിഴക്കന് കൊല്ക്കത്തയിലെ കങ്കുര്ഗാച്ചിയില് അമ്ര ഷോബായ് ക്ലബ് ശ്യാമ പൂജയും ശാകിബ് ഉദ്ഘാടനം ചെയ്തിരുന്നു. പിന്നാലെയാണ് ഭീഷണിയുണ്ടായത്.
'ശാകിബിന്റെ പ്രവര്ത്തികള് മുസ്ലിം മതവിശ്വാസികള്ക്ക് ചേരുന്നതല്ല, വിശ്വാസത്തെ വൃണപ്പെടുത്തുന്നതാണ്. ശാകിബിനെ കൊല്ലാനായി താന് ധാക്കയിലേക്ക് വരികയാണ്. കത്തികൊണ്ട് വെട്ടി തുണ്ടമാക്കും' എന്നായിരുന്നു ലൈവില് വന്നയാല് പറഞ്ഞത്. പിന്നാലെ ഇയാള് വധഭീഷണിക്ക് മാപ്പപേക്ഷയുമായി വീണ്ടും ലൈവില് വന്നിരുന്നു. വീഡിയോയുടെ ലിങ്ക് സൈബര് പൊലീസിന് കൈമാറിയിട്ടുണ്ടെന്നും നിയമ നടപടി ഉടന് സ്വീകരിക്കുമെന്നും പൊലീസ് അറിയിച്ചു.
https://www.facebook.com/Malayalivartha
