ഇന്ത്യയ്ക്കെതിരേ ബംഗ്ലാദേശിന് ബാറ്റിംഗ്... ഐസിസി ഏകദിന ക്രിക്കറ്റ് ലോകകപ്പില് തുടര്ച്ചയായ നാലാം ജയംതേടിയാണ് ഇന്ത്യ ഇന്ന് അയല്ക്കാരായ ബംഗ്ലാദേശിനെതിരേ ഇറങ്ങുന്നത്
ലോകകപ്പ് ക്രിക്കറ്റിലെ പതിനേഴാം മത്സരത്തില് ഇന്ത്യയ്ക്കെതിരേ ബംഗ്ലാദേശിന് ബാറ്റിംഗ്. ടോസ് നേടിയ ബംഗ്ലാ നായകന് നജ്മുള് ഹുസൈന് ഷാന്റോ, ബാറ്റിംഗ് തെരഞ്ഞെടുക്കുകയായിരുന്നു.
ന്യൂസിലന്ഡിനെതിരായ മത്സരത്തില് പരിക്കേറ്റ നായകന് ഷക്കിബ് അല് ഹസനെ പുറത്തിരുത്തിയാണ് ബംഗ്ലാദേശ് ഇന്നിറങ്ങുന്നത്. പകരം നാസും അഹമ്മദ് അന്തിമ ഇലവനില് ഇടംനേടി.
ഐസിസി ഏകദിന ക്രിക്കറ്റ് ലോകകപ്പില് തുടര്ച്ചയായ നാലാം ജയംതേടിയാണ് ഇന്ത്യ ഇന്ന് അയല്ക്കാരായ ബംഗ്ലാദേശിനെതിരേ ഇറങ്ങുന്നത്. ഇന്ത്യ പൂനയില് ഏഴ് ഏകദിനങ്ങള് മാത്രമാണ് ഇതുവരെ കളിച്ചിട്ടുള്ളത്. നാലില് ജയിച്ചു. രോഹിത് ശര്മ നയിക്കുന്ന ഇന്ത്യന് ടീം ഈ ലോകകപ്പില് കളിച്ച എല്ലാ മത്സരങ്ങളും ജയിച്ചു.
ജയങ്ങള് ആധികാരികവുമാണ്. എംസിഎ സ്റ്റേഡിയത്തില് ഇരുടീമുകളും ഇതുവരെ നേര്ക്കുനേര് വന്നിട്ടില്ല. രോഹിതിന്റെ ഫോമിനൊപ്പം ശുഭ്മന് ഗില് കൂടി ഓപ്പണിംഗില് ചേരുമ്പോള് ഇന്ത്യക്ക് ആശങ്കയ്ക്കു വകയില്ല. വിരാട് കോഹ്ലി, ശ്രേയസ് അയ്യര്, കെ.എല്. രാഹുല്, ഹാര്ദിക് പാണ്ഡ്യ, രവീന്ദ്ര ജഡേജ എന്നിങ്ങനെ ഇന്ത്യന് ബാറ്റിംഗ് നിര ശക്തമാണ്.
https://www.facebook.com/Malayalivartha
