ഇന്ത്യ - ഓസ്‌ട്രേലിയ ഏകദിന ലോകകപ്പ് ഫൈനല്‍ മത്സരം പുരോഗമിക്കുകയാണ്. ടോസ് ലഭിച്ച ഓസീസ് ക്യാപ്റ്റന്‍ പാറ്റ് കമ്മിന്‍സ് ബൗളിംഗ് തിരിഞ്ഞെടുക്കുകയായിരുന്നു. ഇന്ത്യ 240 റൺസിന്‌ പുറത്തായി. അതേസമയം മത്സരത്തിനിടെ നാടകീമായ സംഭവ വികാസങ്ങൾ ഉണ്ടായി.

ഗുരുതര സുരക്ഷാ വീഴ്ച്ച ഉണ്ടായിരിക്കുകയാണ് .ഇന്ത്യൻ താരം ശ്രേയസ് പുറത്തായതിന് ശേഷം 14-ാം ഓവറിലായിരുന്നു സംഭവം. മത്സരം നടന്നുകൊണ്ടിരിക്കെ ഗ്രൗണ്ടിലേക്ക് കാണികളില്‍ ഒരാള്‍ ഓടിയെത്തി. 'ഫ്രീ പലസ്തീന്‍' എന്ന ഷര്‍ട്ടും ധരിച്ചാണ് പിച്ചിലേക്ക് ഓടിയെത്തിയത്.

പലസ്തീന്റെ പതാകയുള്ള മാസ്‌കും ധരിച്ചിരുന്നു . ക്രീസിലുണ്ടായിരുന്ന കോലിയുടെ തോളത്ത് ആ വ്യക്തി കയ്യിട്ടു. കോലി ഒഴിഞ്ഞുമാറുകയായിരുന്നു. അപ്പോഴേക്കും സുരക്ഷാ ഉദ്യോഗസ്ഥര്‍ ഓടിയെത്തി ആളെ പിടിച്ചുമാറ്റി. എന്തായാലും നാടകീയമായ സംഭവ വികാസങ്ങൾ ആണ് സംഭവിച്ചിരിക്കുന്നത്.