ക്രിസ്റ്റ്യാനോ റയല് വിട്ട ശേഷമുള്ള ലാ ലീഗയില് റയല് മാഡ്രിഡിന് വിജയത്തോടെ തുടക്കം
ക്രിസ്റ്റ്യാനോ റയല് വിട്ട ശേഷം നടക്കുന്ന ആദ്യ ലാ ലീഗ മത്സരത്തില് റയല് മാഡ്രിഡിന് വിജയത്തോടെ തുടക്കം. ഗെറ്റാഫെയാണ് റയല് മാഡ്രിഡ് ഏകപക്ഷീയമായ രണ്ടു ഗോളുകള്ക്ക് തോല്പ്പിച്ചത്. റയല് മാഡ്രിഡിന് വേണ്ടി ഇരു പകുതികളിലുമായി കാര്വഹാളും ഗാരെത് ബെയ്ലും ഗോളുകള് നേടി.
80 ശതമാനത്തോളം സമയത്തെ പന്ത് കൈവശം വെച്ച റയല് മാഡ്രിഡിന് നിര്ഭാഗ്യം പലപ്പോഴും വിലങ്ങുതടിയായിനിന്നു. റയല് മാഡ്രിഡിന്റെ ശ്രമങ്ങള് പോസ്റ്റില് തട്ടി തെറിച്ചു. എന്നാല് മത്സരത്തിന്റെ 20മത്തെ മിനുട്ടില് കാര്വഹാള് റയല് മാഡ്രിഡിന്റെ ആദ്യ ഗോള് കണ്ടെത്തി. പോസ്റ്റിലേക്ക് വന്ന ക്രോസ്സ് തട്ടിയകറ്റുന്നതില് ഗോള് കീപ്പര് പരാജയപ്പെട്ടപ്പോള് ഒഴിഞ്ഞ പോസ്റ്റിലേക്ക് കാര്വഹാള് ഹെഡ് ചെയ്താണ് ഗോളാക്കിയത്.
എന്നാല് രണ്ടാം പകുതിയിലും റയല് ഗോള് കണ്ടെത്താന് പണിപ്പെട്ടു. എങ്കിലും ഗാരെത് ബെയ്ലിലൂടെ റയല് മാഡ്രിഡ് ലീഡ് ഇരട്ടിയാക്കി. അസെന്സിയോയുടെ മികച്ച മുന്നേറ്റത്തിനൊടുവില് ലഭിച്ച പന്ത് ഗോളാക്കിയാണ് ബെയ്ല് റയലിന്റെ ലീഡ് ഇരട്ടിയാക്കിയത്. കഴിഞ്ഞ നാല് സീസണിലും റയല് മാഡ്രിഡിന് വേണ്ടി ആദ്യ ലീഗ് മത്സരത്തില് ഗോള് നേടുന്ന താരമാവാനും ബെയ്ലിന് കഴിഞ്ഞു
https://www.facebook.com/Malayalivartha