സാഫ് കപ്പില് ഇന്ത്യക്ക് വിജയത്തോടെ തുടക്കം 47ാം മിനിറ്റില് മുന് ബ്ലാസ്റ്റേഴ്സ് താരം ലാലിയന്സ്വാല ചാങ്ങ്തെയുമാണ് വിജയഗോള് കുറിച്ചത്; ശ്രീലങ്കയെ തകര്ത്തത് എതിരില്ലാത്ത രണ്ട് ഗോളിന്
സാഫ് കപ്പ് ഫുട്ബോളില് ഇന്ത്യക്ക് വിജയത്തുടക്കം. ആദ്യ മത്സരത്തിതന്നെ ശ്രീലങ്കയെ തകര്ത്തത് എതിരില്ലാത്ത രണ്ട് ഗോളിന്. മത്സരത്തിലുടനീളം ആധിപത്യം പുലര്ത്തിയ ഇന്ത്യക്കായി 35ാം മിനിറ്റില് മലയാളി താരം ആഷിഖ് കുരുണിയനും 47ാം മിനിറ്റില് മുന് ബ്ലാസ്റ്റേഴ്സ് താരം ലാലിയന്സ്വാല ചാങ്ങ്തെയുമാണ് വിജയഗോള് കുറിച്ചത്.
ആഷിഖിന്റെ ഗോളില് ആദ്യപകുതി അവസാനിക്കുമ്പോള് ഇന്ത്യ ഒരു ഗോളിന് മുന്നിലായിരുന്നു. സുമിത് പാസി നല്കിയ പാസിലാണ് മികച്ച നീക്കത്തിലൂടെ ലങ്കന് ഗോളിയെ മറികടന്ന് ആഷിഖ് പന്ത് വലയിലെത്തിച്ചത്. രണ്ടാം പകുതിയുടെ തുടക്കത്തില് തന്നെ ഇന്ത്യ ലീഡ് രണ്ടാക്കി ഉയര്ത്തി. ലങ്കന് പ്രതിരോധം പൊളിച്ച് ഇടതുവിങ്ങിലൂടെ കയറി ചാങ്തെ തൊടുത്ത ഷോട്ട് ക്രോസ് ബാറിലിടിച്ച് വലയില് കയറുകയായിരുന്നു.
നിര്ഭാഗ്യത്താല് മാത്രമാണ് ഇന്ത്യയുടെ ഗോള് വേട്ട രണ്ടില് ഒതുങ്ങിയത്. ലങ്കന് ഗോളി സുജന് പെരേരയുടെ മിന്നല് നീക്കങ്ങളും ഇന്ത്യന് മുന്നേറ്റത്തിന്റെ പല നീക്കങ്ങളും തട്ടിത്തെറിപ്പിച്ചു. ഇന്ത്യന് ടീമില് സ്െ്രെടക്കര് സുമിത് പാസി ഒഴികെ ബാക്കിയെല്ലാവരും അണ്ടര് 23 ടീം അംഗങ്ങളാണ്. ഇനി ഞായറാഴ്ച മാലദ്വീപിനെതിരെയാണ് ഇന്ത്യയുടെ അടുത്ത മത്സരം.
https://www.facebook.com/Malayalivartha