അഞ്ചാം തവണയും സ്പാനിഷ് സൂപ്പര് കപ്പ് ഫുട്ബോള് ടൂര്ണമെന്റിന് സൗദി അറേബ്യ...
അഞ്ചാം തവണയും സ്പാനിഷ് സൂപ്പര് കപ്പ് ഫുട്ബോള് ടൂര്ണമെന്റിന് സൗദി അറേബ്യ ആതിഥേയത്വം വഹിക്കുമെന്ന് കായിക മന്ത്രാലയം . 2025 ജനുവരി എട്ട് മുതല് 12 വരെ ജിദ്ദയില് അബ്ദുല്ല സ്പോര്ട്സ് സിറ്റി സ്റ്റേഡിയത്തിലാണ് മത്സരം.
റയല് മാഡ്രിഡ്, ബാഴ്സലോണ, അത്ലറ്റിക് ബില്ബാവോ, റയല് മല്ലോര്ക്കയ്ക്ക് എന്നീ നാല് ക്ലബ്ബുകള് മത്സരിക്കും. നോക്കൗട്ട് സമ്പ്രദായത്തിലാണ് മത്സരം നടന്നത്.
ജനുവരി എട്ട് (ബുധനാഴ്ച) വൈകിട്ട് റയല് മാഡ്രിഡും റയല് മല്ലോര്ക്കയും ഏറ്റുമുട്ടും. ഒമ്പതിന് (വ്യാഴാഴ്ച) ബാഴ്സലോണ, അത്ലറ്റിക് ബില്ബാവോയെ നേരിടും. പ്രാഥമിക റൗണ്ടില് വിജയിക്കുന്ന രണ്ട് ടീമുകള് 12-ന് (ഞായറാഴ്ച) വൈകീട്ട് ഫൈനലില് ഏറ്റുമുട്ടും. സ്പാനിഷ് സൂപ്പര് കപ്പിന്റെ നാല് പതിപ്പുകള്ക്ക് സൗദി ആതിഥേയത്വം വഹിച്ചിട്ടുണ്ട്.
2020-ല് ജിദ്ദയിലായിരുന്നു ആദ്യ പതിപ്പ്. റയല് മാഡ്രിഡ് എതിരാളികളായ അത്ലറ്റിക്കോ മാഡ്രിഡിനെ തോല്പ്പിച്ച് കിരീടം ചൂടി. 2022-ല് റിയാദിലായിരുന്നു മത്സരങ്ങള്. റയല് മാഡ്രിഡിന് തന്നെയായിരുന്നു വിജയം. കഴിഞ്ഞ വര്ഷം നടന്ന മൂന്നാം പതിപ്പില് റയല് മാഡ്രിഡിനെ പരാജയപ്പെടുത്തി ബാഴ്സലോണ സ്പാനിഷ് കിരീടം നേടി.
https://www.facebook.com/Malayalivartha
