ആത്മവിശ്വാസത്തോടെ.... ഐഎസ്എല്ലില് കേരള ബ്ലാസ്റ്റേഴ്സ് ഇന്ന് ബംഗളൂരു എഫ് സിയെ നേരിടും....
ആത്മവിശ്വാസത്തോടെ....ഐഎസ്എല്ലില് കേരള ബ്ലാസ്റ്റേഴ്സ് ഇന്ന് ബംഗളൂരു എഫ് സിയെ നേരിടും. കലൂര് ജവഹര്ലാല് നെഹ്റു സ്റ്റേഡിയത്തില് വൈകുന്നേരം7.30 നാണ് മത്സരം. ഈ സീസണില് ഒരു ഗോള് പോലും വഴങ്ങാത്ത ഏക ടീമായ ബംഗളൂരു, പോയിന്റ് പട്ടികയില് ഒന്നാം സ്ഥാനത്താണ്.
തുടര്ച്ചയായ രണ്ട് സമനിലകള്ക്ക് ശേഷം വിജയവഴിയില് തിരിച്ചെത്തിയിരിക്കുകയാണ് ബ്ലാസ്റ്റേഴ്സ്.സ്വന്തം കാണികളുടെ മുന്നില് ബംഗളൂരുവിന്റെ കരുത്തിനെ മറികടക്കാമെന്ന ആത്മവിശ്വാസത്തിലാണ് ബ്ലാസ്റ്റേഴ്സ്.
ക്യാപ്റ്റന് അഡ്രിയന് ലൂണ-ഹെസൂസ് ഹിമെനെ-നോവ സദൂയി സഖ്യമാണ് മഞ്ഞപ്പടയുടെ കരുത്ത്. പരിക്കിനെ തുടര്ന്ന് കഴിഞ്ഞ മത്സരം കളിക്കാതിരുന്ന ഗോള്കീപ്പര് സച്ചിന് സുരേഷ് ഇന്ന് കളിക്കാനാണ് സാധ്യത.
2023 മാര്ച്ച് 3 ലെ വിവാദ പ്ലേ ഓഫ് പോരിലെ തോല്വിക്ക് പകരം വീട്ടുക എന്നതു കൂടി ബ്ലാസ്റ്റേഴ്സിന് മുന്നിലുണ്ട്. ഹോം ഗ്രൗണ്ടില് ശക്തമായ തിരിച്ചടി നല്കാനാകുമെന്നാണ് ബ്ലാസ്റ്റേഴ്സ് ആരാധകര് പ്രതീക്ഷിക്കുന്നത്.
"
https://www.facebook.com/Malayalivartha
