78ാമത് സന്തോഷ് ട്രോഫി ഫുട്ബാള്‍ ഫൈനല്‍ റൗണ്ട് മത്സരങ്ങള്‍ക്ക് നാളെ കിക്കോഫ്....രണ്ട് ഗ്രൂപ്പുകളിലായി 12 ടീമുകളാണ് ഏറ്റുമുട്ടുന്നത്. ഗോവ, ഡല്‍ഹി, തമിഴ്‌നാട്, ഒഡിഷ, മേഘാലയ എന്നിവരുള്‍പ്പെടുന്ന ഗ്രൂപ് ബിയിലാണ് മുന്‍ ചാമ്പ്യന്മാരായ കേരളം.

'എ'യില്‍ സര്‍വിസസ്, ബംഗാള്‍, മണിപ്പൂര്‍, തെലങ്കാന, ജമ്മു-കശ്മീര്‍, രാജസ്ഥാന്‍ എന്നിവരും ഇറങ്ങും. ഡിസംബര്‍ 15ന് ഗോവയുമായാണ് കേരളത്തിന്റെ ആദ്യകളി. 17ന് മേഘാലയയെയും 19ന് ഒഡിഷയെയും 22ന് ഡല്‍ഹിയെയും 24ന് തമിഴ്‌നാടിനെയും നേരിടും.

കോഴിക്കോട്ട് നടന്ന പ്രാഥമിക റൗണ്ടിലെ മൂന്നു മത്സരങ്ങളും വന്‍ മാര്‍ജിനില്‍ ജയിച്ചാണ് കേരളം ഹൈദരാബാദിലെത്തിയിരിക്കുന്നത്. ക്വാര്‍ട്ടര്‍ 26, 27 തീയതികളിലും സെമി ഫൈനല്‍ 29നും ഫൈനല്‍ 31നും നടക്കുന്നതാണ്.