ഫുട്ബോള് ഇതിഹാസം ലയണല് മെസ്സിക്ക് അമേരിക്കയുടെ പരമോന്നത സിവിലിയന് ബഹുമതി.
ഫുട്ബോള് ഇതിഹാസം ലയണല് മെസ്സിക്ക് അമേരിക്കയുടെ പരമോന്നത സിവിലിയന് ബഹുമതി. പ്രസിഡന്റ് ജോ ബൈഡനാണ് താരത്തിന് പ്രസിഡന്ഷ്യല് മെഡല് ഓഫ് ഫ്രീഡം പ്രഖ്യാപിച്ചത്. മുന് സ്റ്റേറ്റ് സെക്രട്ടറി ഹിലരി ക്ലിന്റണ്, ഫാഷന് ഡിസൈനര് റാല്ഫ് ലോറന്, മുന് പ്രതിരോധ സെക്രട്ടറി അന്തരിച്ച ആഷ്ടണ് കാര്ട്ടര് എന്നിവര് ഉള്പ്പെടെ 19 പേര്ക്കാണ് പുരസ്കാരം നല്കിയത്. അമേരിക്കയുടെ വളര്ച്ച, സുരക്ഷ, ലോക സമാധാനം അല്ലെങ്കില് മറ്റ് ശ്രദ്ധേയമായ സംഭാവനകള് നല്കിയവര്ക്കാണ് പുരസ്കാരം നല്കുന്നത്.
ഇന്ത്യന് പ്രധാനമന്ത്രിയുടെ കടുത്ത വിമര്ശകനും നിക്ഷേപകനുമായ ജോര്ജ് സോറോസ്, പൗരാവകാശ പ്രവര്ത്തകയായ ഫാനി ലൂ ഹാമര്, അറ്റോര്ണി ജനറലായും യു.എസ് സെനറ്ററായും സേവനമനുഷ്ഠിച്ച റോബര്ട്ട് ഫ്രാന്സിസ് കെന്നഡി, പാചക വിദഗ്ധന് ജോസ് ആന്ഡ്രസ്, എയ്ഡ്സിനും ദാരിദ്ര്യത്തിനും എതിരെ പോരാടിയ മൈക്കല് ജെ. ഫോക്സ് ഉള്പ്പെടെയുള്ളവരും പുരസ്കാര പട്ടികയില് ഇടം നേടി.
വൈറ്റ് ഹൗസില് ഇന്നലെ നടന്ന ചടങ്ങില് പ്രസിഡന്റ് പുരസ്കാര ജേതാക്കള്ക്ക് മെഡലുകള് സമ്മാനിച്ചു. മുന്കൂട്ടി നിശ്ചയിച്ച പരിപാടികളുള്ളതിനാല് മെസ്സി ചടങ്ങിനെത്തിയില്ല. മെസ്സി നിലവില് അമേരിക്കന് സോക്കര് ലീഗില് ഇന്റര്മയാമിയുടെ താരമാണ് .
https://www.facebook.com/Malayalivartha
