ഫുട്ബോള് ഇതിഹാസം ലയണല് മെസി ഒക്ടോബര് 25-ന് കേരളത്തിലെത്തും....
ഫുട്ബോള് ഇതിഹാസം ലയണല് മെസി ഒക്ടോബര് 25-ന് കേരളത്തിലെത്തും. ഏഴുദിവസം മെസി കേരളത്തിലുണ്ടാവുമെന്നും സംസ്ഥാന കായിക മന്ത്രി വി. അബ്ദുറഹ്മാന് കോഴിക്കോട്ട് നടന്ന ഒരു പരിപാടിയില് പറഞ്ഞു.
നവംബര് രണ്ടുവരെയാണ് മെസി കേരളത്തില് തുടരുക. നേരത്തെ തീരുമാനിക്കപ്പെട്ട സൗഹൃദമത്സരത്തിന് പുറമേ മെസി പൊതുപരിപാടിയിലും പങ്കെടുക്കും. 20 മിനിറ്റാണ് ഇതിനായി അനുവദിച്ചിട്ടുള്ളത്. മെസിയുടെ കേരളത്തിലേക്കുള്ള വരവ് സംബന്ധിച്ച് മറ്റ് വിവരങ്ങള് മന്ത്രി വ്യക്തമാക്കിയിട്ടില്ല. ഖത്തര് ലോകകപ്പില് കിരീടമുയര്ത്തിയ അര്ജന്റീന, ഇന്ത്യയില് സൗഹൃദമത്സരം കളിക്കാന് തയ്യാറാണെന്ന് ഇന്ത്യന് ഫുട്ബോള് അസോസിയേഷനെ അറിയിച്ചിരുന്നു.
മത്സരത്തിനുള്ള ചെലവ് താങ്ങാന് കഴിയില്ലെന്ന കാരണത്താല് അസോസിയേഷന് ഈ ക്ഷണം നിരാകരിച്ചു. ഇതറിഞ്ഞ കേരള കായികമന്ത്രി വി. അബ്ദുറ്ഹിമാന് അര്ജന്റീന ഫുട്ബോള് അസോസിയേഷന് പ്രസിഡന്റ് ക്ലോഡിയോ ടാപിയക്ക് കത്തയച്ചു. കായികമന്ത്രിയുടെ ക്ഷണം സ്വീകരിച്ച് അര്ജന്റീന ഫുട്ബോള് ടീം ഇന്ത്യയിലേക്ക് വരാന് സമ്മതമറിയിച്ചിരുന്നു.
"
https://www.facebook.com/Malayalivartha
