ഏഷ്യന് കപ്പ് യോഗ്യതാ മത്സരത്തില് ഇന്ത്യയ്ക്ക് സമനില...
ഏഷ്യന് കപ്പ് യോഗ്യതാ മത്സരത്തില് ഇന്ത്യയ്ക്ക് സമനില. ബംഗ്ലാദേശാണ് ഇന്ത്യയെ ഗോള് രഹിത സമനിലയില് കുരുക്കിയത്. ഷില്ലോങ് ജവഹര് ലാല് നെഹ്റു സ്റ്റേഡിയത്തില് നടന്ന മത്സരത്തില് നിരവധി ഗോളവസരങ്ങള് പാഴാക്കിയാണ് ഇന്ത്യ സമനില വഴങ്ങിയത്.
ദുര്ബലരായ ബംഗ്ലാദേശ് ആരംഭത്തില് തന്നെ ഇന്ത്യന് ഗോള്മുഖത്ത് ആശങ്ക പരത്തി. ഇന്ത്യന് ഗോളി അബദ്ധത്തില് നല്കിയ പാസില് നിന്നും ബംഗ്ലാദേശ് താരം ഉതിര്ത്ത ഷോട്ട് തലനാരിഴയ്ക്കാണ് പുറത്തുപോയത്.
മത്സരത്തിന്റെ ആദ്യ പകുതിയിലും രണ്ടാം പകുതിയിലും ഇന്ത്യയ്ക്ക് നിരവധി അവസരങ്ങള് കിട്ടിയെങ്കിലും ഫിനിഷിങ്ങിലെ പോരായ്മ തിരിച്ചടിയായി. വിരമിക്കല് പിന്വലിച്ച് ടീമിലെത്തിയ ക്യാപ്റ്റന് സുനില് ഛേത്രി അടക്കം നിരവധി അവസരങ്ങള് പാഴാക്കി. ബംഗ്ലാദേശും ചില തകര്പ്പന് മുന്നേറ്റങ്ങള് നടത്തിയെങ്കിലും, വലിയ അപകടമില്ലാതെ പ്രതിരോധ നിരയും ഗോളിയും കാത്തു. 85-ാം മിനിറ്റില് ഛേത്രിയെ മാറ്റി മലയാളി താരം ആഷിഖ് കരുണിയനെ ഇറക്കിയെങ്കിലും ഇന്ത്യയ്ക്ക് ഗോള് കണ്ടെത്താന് കഴിഞ്ഞില്ല.
https://www.facebook.com/Malayalivartha
