ഫിഫ ക്ലബ് ലോകകപ്പില്‍ നിലവിലെ ജേതാക്കളായ മാഞ്ചസ്റ്റര്‍ സിറ്റിക്ക് വിജയ തുടക്കം. മൊറോക്കന്‍ ക്ലബ്ബായ വൈഡാഡ് എഫ്.സിയെയാണ് എതിരില്ലാത്ത രണ്ട് ഗോളുകള്‍ക്ക് സിറ്റി തോല്‍പ്പിച്ചത്.

രണ്ടാം മിനിറ്റില്‍ തന്നെ ഫില്‍ ഫോഡന്‍ ഇംഗ്ലീഷ് വമ്പന്മാരെ മുന്നിലെത്തിച്ചു. 42-ാം മിനിറ്റില്‍ ജെറമി ഡോകു സിറ്റിയുടെ ലീഡ് രണ്ടായി ഉയര്‍ത്തി. 88-ാം മിനിറ്റില്‍ സിറ്റിയുടെ റീക്കോ ലൂയിസ് ചുവപ്പുകാര്‍ഡ് കണ്ട് പുറത്താകുകയും ചെയ്തു.


പുതുതായി സിറ്റി കൂടാരത്തിലെത്തിച്ച റെയ്ന്‍ഡേഴ്‌സും റയാന്‍ ചെര്‍ക്കിയും ടീമിനായി ഇന്നലെ പന്ത് തട്ടാനിറങ്ങി. ഗ്രൂപ്പ് ജിയിലെ അടുത്ത മത്സരത്തില്‍ യു.എ.ഇ യുടെ അല്‍ എയ്നെയാണ് സിറ്റി നേരിടുക. ജൂണ്‍ 23 നാണ് മത്സരം നടക്കുക.