ഫിഫ ക്ലബ് ലോകകപ്പില്‍ മെക്‌സിക്കന്‍ ക്ലബായ പാച്ചുവയെ ഒന്നിനെതിരെ മൂന്ന് ഗോളുകള്‍ക്ക് തോല്‍പ്പിച്ച് റയല്‍ മാഡ്രിഡ്...
ഫിഫ ക്ലബ് ലോകകപ്പില്‍ മെക്‌സിക്കന്‍ ക്ലബായ പാച്ചുവയെ ഒന്നിനെതിരെ മൂന്ന് ഗോളുകള്‍ക്ക് തോല്‍പ്പിച്ച് റയല്‍ മാഡ്രിഡ്. മത്സരത്തിന്റെ ഏഴാം മിനിറ്റില്‍ പത്ത് പേരായി ചുരുങ്ങിയ ശേഷമാണ് റയല്‍ മുന്നേറ്റം.
ജയത്തോടെ നാലു പോയന്റുമായി സാബി അലോണ്‍സയുടെ ടീം ഗ്രൂപ്പ് എച്ചില്‍ ഒന്നാമതെത്തി. ആദ്യ മത്സരത്തില്‍ സൗദി ക്ലബ് അല്‍ ഹിലാലിനോട് സമനില വഴങ്ങിയ റയലിന് കളയുടെ തുടക്കത്തില്‍ തന്നെ തിരിച്ചടി നേരിടുകയും ചെയ്തു. പ്രതിരോധതാരം റൗള്‍ അസെന്‍സിയോ ചുവപ്പ് കാര്‍ഡ് കണ്ട് പുറത്താവുകയായിരുന്നു. അവസരം മുതലെടുത്ത പാച്ചുവ താരങ്ങള്‍ നിരവധി തവണയാണ് റയല്‍ ഗോളി തിബോ കോര്‍ട്ടുവയെ പരീക്ഷിച്ചത്. കടുത്ത സമ്മര്‍ദ്ദത്തിനിടയില്‍ 35-ാം മിനിറ്റില്‍ ജൂഡ് ബെല്ലിഗ്ഹാമിലൂടെ റയല്‍ ആദ്യഗോള്‍ നേടി.
ആദ്യ പകുതിയുടെ അവസാനം 43-ാം മിനിറ്റില്‍ യുവതാരം അര്‍ദ ഗുലെറിലൂടെ ടീം ലീഡ് ഉയര്‍ത്തി. രണ്ടാം പകുതിയിലും പാച്ചുവ തുടര്‍ച്ചയായി ആക്രണങ്ങള്‍ അഴിച്ചുവിട്ടു. എന്നാല്‍ 70-ാം മിനിറ്റില്‍ മൂന്നാം ഗോള്‍ നേടി വാല്‍വെര്‍ഡെ ടീമിന്റെ വിജയം ഉറപ്പിക്കുകയും ചെയ്തു.
https://www.facebook.com/Malayalivartha
