മുഹമ്മദ് സലാ ഇല്ലാതെ ഇറങ്ങിയ ഈജിപ്ത് പൊരുതിയാണ് തോല്‍വി സമ്മതിച്ചത്. ഉറുഗ്വെയുടെ വിജയ ഗോള്‍ നേടിയത് ഹോസെ ജിമെനെസാണ്.കവാനിയും സുവാരസുമടങ്ങുന്ന വിഖ്യാത അക്രമണനിരയ്ക്ക് ഈജ്പ്തിനെതിരെ ഒന്നും ചെയ്യാനായില്ല. ഒന്നിനു പിറകെ ഒന്നായി അവസരങ്ങള്‍ കവാനിയും സുവാരസും നഷ്ടപ്പെടുത്തി. ഇരുപത്തിയെട്ട് വര്‍ഷത്തിന് ശേഷം ലോകകപ്പില്‍ കളിക്കാനിറങ്ങുന്ന ഈജിപ്ത് വിജയത്തോടെ കളിയവസാനിപ്പിക്കാനാണ് ശ്രമിച്ചത്

ഉറുഗ്വെയുടെ ലോകകപ്പ് ചരിത്രത്തിലെ ഏറ്റവും മോശം മധ്യനിരയുമായിട്ടാണ് ഇന്നവര്‍ കളിക്കാനിറങ്ങിയത്. അതെ സമയം സൂപ്പര്‍ താരം മുഹമ്മദ് സലാ ഇല്ലാതെ ഇറങ്ങിയ ഈജിപ്ത് മികച്ച പ്രകടനമാണ് കാഴ്ചവെച്ചത്. സുവാരസ് കോര്‍ണറില്‍ നിന്നും ലഭിച്ച പന്ത് ഈജിപ്തിന്റെ വലയെ ലക്ഷ്യമാക്കി അടിച്ചെങ്കിലും നെറ്റിന്റെ സൈഡില്‍ മാത്രമാണ് പന്ത് കൊണ്ടത്. ഉറുഗ്വേ ആരാധകര്‍ ഒരു നിമിഷത്തേക്ക് ലീഡ് നേടിയെന്നു ആശ്വസിച്ചെങ്കിലും റീപ്ലെയില്‍ അത് വ്യക്തമായി.

ജിമെനെസിന്റെ തകര്‍പ്പന്‍ ഹെഡ്ഡറിലാണ് ഉറൂഗ്വേ ലീഡ് നേടിയത്. 90ആം മിനുട്ടില്‍ ലഭിച്ച കോര്‍ണറാണ് മികച്ച ഹെഡറിലൂടെ ജിമെനെസ് ഗോളാക്കി മാറ്റിയത്. സുവാരസിന്റെയും കവാനിയുടേയും ഷോട്ടുകള്‍ തട്ടിയകറ്റിയ ഈജിപ്ഷ്യന്‍ ഗോളിക്ക് ഇപ്പ്രാവശ്യം പിഴച്ചു.