തന്റെ ടീം തൊല്‍വിയിലേക്ക് നീങ്ങിയത് വിങ്ങലോടെയാണ് സല കണ്ടിരുന്നത്; ഇടനെഞ്ചില്‍ തോല്‍വിയുടെ ഭാരംത്തോടെ നിരാശനായാണ് സലാമടങ്ങിയത്
മുഹമ്മദ് സലായുടെ പ്രകടനം കാണാനണ് ആരാധകര്‍ കാത്തിരുന്നത് എന്നാന്‍ ആരാധകരെ നിരാശയിലാക്കി സലാ ബഞ്ചിലിരുന്നു. ഗോളൊന്നും അടിക്കാതെ തന്റെ ടീം തോല്‍വിയിലേക്ക് നീങ്ങിയത് സല വിങ്ങലോടെയാണ് കണ്ടിരുന്നത്.
ഇരു ടീമുകളുടെയും ലൈനപ്പ് വന്നപ്പോള്‍ ലോകം മുഴുവനുമുള്ള ആരാധകരുടെ കണ്ണുകള്‍ ഈജിപ്തിന്റെ നിരയിലേക്കായിരുന്നു. എന്നാല്‍ ആദ്യ പതിനൊന്നില്‍ പ്രിയതാരം സലായില്ല. എകാറ്ററിന്‍ബര്‍ഗിലേക്ക് മുഹമ്മദ് സല എത്തിയത് ബെഞ്ചില്‍ ഇരിക്കാന്‍.
അവസാന നിമിഷം വരെ സലാ കളിക്കുമെന്ന് പ്രതീക്ഷിച്ച ആരാധകര്‍ക്ക് നിരാശ, എങ്കിലും ഈജിപ്തിനായി സലായ്ക്ക് വേണ്ടി അവര്‍ ആര്‍ത്തുവിളിച്ചു. പൊരുതിക്കളിക്കുന്ന ഈജിപ്തിനു മുമ്പില്‍ ലൂയി സുവാരസും എഡിസന്‍ കവാനിയും ഉള്‍പ്പെട്ട സൂപ്പര്‍താര നിര വിയര്‍ത്തു കളിക്കുന്നത് സലാ കണ്ടിരുന്നു. ഉരുക്കുകോട്ട പോലെ നിന്ന തന്റെ പ്രതിരോധത്തെ നോക്കി സലാ ആശ്വസിച്ചു. തന്റെ ഗോളിയുടെ മികച്ച സേവുകള്‍ക്ക് കയ്യടിച്ചു. ഈജിപ്റ്റ് രണ്ട് തവണ ലക്ഷ്യത്തിലേക്ക് ഷോട്ടുതിര്‍ത്തപ്പോള്‍ സലായുടെ മുഖത്ത് സന്തോഷം.
മത്സരത്തിന്റെ അവസാന വിസില്‍ മുഴങ്ങാന്‍ രണ്ടു മിനിറ്റ് ശേഷിക്കെയാണ് ഈജിപ്തിന്റെ വലയിലേക്ക് കയറിയ ഗോള്‍ സലായുടെ നെഞ്ചുതുളച്ചാണ് പോയത്.
https://www.facebook.com/Malayalivartha
