ലോകകപ്പ് യോഗ്യത തേടിയിറങ്ങിയ നെതര്ലന്ഡ്സിനെ ഞെട്ടിച്ച് തുര്ക്കി
ലോകകപ്പ് യോഗ്യത തേടിയിറങ്ങിയ നെതര്ലന്ഡ്സിനെ ഞെട്ടിച്ച് തുര്ക്കി. 2010 ലോകകപ്പില് റണ്ണേഴ്സ് അപ്പായ ഡച്ചുകാരെ രണ്ടിനെതിരെ നാലു ഗോളുകള്ക്ക് മറികടന്നാണ് തുര്ക്കി വിലപ്പെട്ട മൂന്നു പോയിന്റുമായി അങ്കം കൊഴുപ്പിച്ചത്.
തുര്ക്കിക്കായി യില്തിമാസ് ഹാട്രിക് നേടി കളിയിലെ താരമായി. കാതനൊഗ്ലു പട്ടിക തികച്ചപ്പോള് നെതര്ലന്ഡ്സിനായി ക്ലാസന്, ഡിജോങ് എന്നിവറര് ആശ്വാസ ഗോള് നേടി.
ആദ്യപകുതിയില് രണ്ടുവട്ടം വല ചലിപ്പിച്ച് യില്തിമാസും തുര്ക്കിയും കളി നയിച്ചപ്പോള് തുടക്കത്തിലേ വിധി നിര്ണയിക്കപ്പെട്ട പോലെയായി. ഇടവേള കഴിഞ്ഞ് ആദ്യ മിനിറ്റില്തന്നെ നെതര്ലന്ഡ്സ് സ്വപ്നങ്ങള്ക്കു മേല് കരിനിഴല് വീഴ്ത്തി തുര്ക്കി ഒരു വട്ടം കൂടി ഗോള് നേടിയതോടെ ലീഡ് മൂന്നിലെത്തി. 75ാം മിനിറ്റില് ക്ലാസന് ഒരു ഗോള് മടക്കി.
തൊട്ടുപിറകെ ഡി ജോങ്ങും സ്കോര് ചെയ്തതോടെ ഡച്ച് പ്രതീക്ഷകള്ക്ക് വീണ്ടും ചിറകു മുളച്ചെങ്കിലും അഞ്ചു മിനിറ്റിനിടെ എല്ലാം അവസാനിപ്പിച്ച് യില്തിമാസ് ഒരു വട്ടം കൂടി ഗോള്വല തുളച്ച് സ്കോര് അഭേദ്യമായി ഉയര്ത്തി.
ലോക ഫുട്ബാളിലെ ഏറ്റവും മികച്ച ഇലവനുകളിലൊന്ന് ഇറങ്ങിയ മറ്റൊരു കളിയില് ലോകത്തെ ഒന്നാം നമ്ബര് ടീം വെയ്ല്സിനെ 3-1ന് തുരത്തി. കെവിന് ഡി ബ്രുയിന്, തൊര്ഗന് ഹസാര്ഡ്, ലുക്കാക്കു എന്നിവര് ബെല്ജിയത്തിനായി ഗോള് നേടിയപ്പോള് വില്സണ് വെയ്ല്സിന്റെ മാനംകാത്തു.
10ാം മിനിറ്റില് ഗാരെത് ബെയ്ലും കൊണര് റോബര്ട്സും ചേര്ന്ന് നടത്തിയ നീക്കം അതിവിദഗ്ധമായി ഹാരി വില്സണ് ലക്ഷ്യത്തിലെത്തിച്ചതോടെ ആദ്യം ഗോള് നേടിയത്. ലീഡ് പക്ഷേ, അതിവേഗം അവസാനിപ്പിച്ച് ഡി ബ്രുയിന് 22ാം മിനിറ്റില് സമനില കണ്ടെത്തി. ആദ്യ പകുതിയില് തന്നെ ഹസാര്ഡ് ലീഡും നല്കി. രണ്ടാം പകുതിയില് ലുക്കാക്കു പെനാല്റ്റി ഗോളാക്കി മാറ്റിയതോടെ കളി തീരുമാനമായി.
മെദ്വെദേവിന്റെ ഏക ഗോളില് അസര്ബൈജാനെതിരെ പോര്ച്ചുഗല് വിജയിച്ചപ്പോള് യുക്രെയ്ന് ഫ്രാന്സിനെ സമനിലയില് പിടിച്ചു. ഗ്രീസ്മാന് ഫ്രാന്സിനായി ഗോള് നേടിയപ്പോള് കിംപെപ്പെയുടെ സെല്ഫ് ഗോള് യുക്രെയ്ന് സമനില നല്കി.
bo
https://www.facebook.com/Malayalivartha