മെഡല് പ്രതീക്ഷകൾ അസ്തമിച്ചു; ബോക്സിങ്ങില് സൂപ്പര് താരം മേരി കോം പ്രീ ക്വാര്ട്ടറിൽ പുറത്തായി
ടോക്യോ ഒളിമ്പിക്സിലെ ഇന്ത്യയുടെ മെഡല് പ്രതീക്ഷകളിലൊന്ന് അവസാനിച്ചു. വനിതകളുടെ ഫ്ളൈവെയ്റ്റ് ബോക്സിങ്ങില് സൂപ്പര് താരം മേരി കോം പുറത്തായിരിക്കുകയാണ്. കൊളംബിയയുടെ ഇന്ഗ്രിറ്റ വലന്സിയോടാണ് മേരി കോം പരാജയപ്പെട്ടത്. ആവേശകരമായ പ്രീ ക്വാര്ട്ടര് മത്സരത്തില് 2-3 എന്ന സ്കോറിനാണ് മേരി കോമിന്റെ പരാജയം. ആദ്യ റൗണ്ട് മുതല് മേരിയെ സമ്മര്ദ്ദത്തിലാക്കിയാണ് വലന്സിയ വിജയം പിടിച്ചെടുത്തത്. ലണ്ടന് ഒളിമ്ബിക്സില് വെങ്കല മെഡല് ജേതാവ് കൂടിയായിരുന്ന മേരി കോമിന്റെ അവസാന ഒളിമ്ബിക്സായിരുന്നു ഇത്.
ആദ്യ റൗണ്ട് അവസാനിച്ചപ്പോള് നാല് ജഡ്ജുമാര് കൊളംബിയന് താരത്തിനൊപ്പം നിന്നപ്പോള് ഒരാള് ഇന്ത്യയ്ക്കൊപ്പം നിന്നു. രണ്ടാം റൗണ്ടില് മൂന്ന് ജഡ്ജുമാര് മേരിയ്ക്കൊപ്പം നിന്നപ്പോള് രണ്ട് ജഡ്ജുമാര് കൊളംബിയന് താരത്തിന് അനുകൂലമായി വിധിയെഴുതി. നിര്ണ്ണായകമായ മൂന്നാം റൗണ്ടില് മൂന്ന് ജഡ്ജുമാര് മേരിയ്ക്കൊപ്പം നിന്നുവെങ്കിലും രണ്ട് ജഡ്ജുമാര് കൊളംബിയന് താരത്തിനൊപ്പം നിന്നപ്പോള് സ്പ്ലിറ്റ് ഡിസിഷനില് മത്സരം മേരിയ്ക്ക് നഷ്ടമാവുകയായിരുന്നു. ജഡ്ജുമാരുടെ തീരുമാനത്തെ പുഞ്ചിരിയിലൂടെയും എതിരാളിയെ ആശ്ലേഷിച്ചുമാണ് മേരി കോം സ്വീകരിച്ചത്. റിയോ ഒളിമ്ബിക്സിലെ വെങ്കല മെഡല് നേടിയ താരമാണ് ഇന്ഗ്രിറ്റ് വലന്സിയ. മൂന്നാം തവണയാണ് ഇരുവരും തമ്മില് റിങ്ങില് ഏറ്റുമുട്ടുന്നത്. ആദ്യ രണ്ടു തവണയും ജയം മേരിക്കൊപ്പമായിരുന്നു. ആറു തവണ ലോകചാമ്ബ്യനായ മേരി കോം സ്വര്ണം മാത്രമാണ് തന്റെ ലക്ഷ്യമെന്ന് ഒളിമ്ബിക്സിനായി ടോക്യോയിലേക്ക് തിരിക്കും മുമ്ബ് വ്യക്തമാക്കിയിരുന്നു.
https://www.facebook.com/Malayalivartha