ടോക്യോ ഒളിമ്പിക്സ്; ബോക്സിംങ്ങ് ഹെവിവെയ്റ്റ് വിഭാഗത്തില് ഇന്ത്യയുടെ സതീഷ് കുമാര് ക്വാര്ട്ടറില് പ്രവേശിച്ചു
ടോക്യോ ഒളിമ്പിക്സിലെ ബോക്സിംങ്ങ് ഹെവിവെയ്റ്റ് വിഭാഗത്തില് ഇന്ത്യയുടെ സതീഷ് കുമാര് ക്വാര്ട്ടറില് പ്രവേശിച്ചു. പ്രീ ക്വാര്ട്ടറില് ജമൈക്കയുടെ റിക്കാര്ഡോ ബ്രൗണിനെ 4-1ന് തകര്ത്താണ് സതീഷ് കുമാറിന്റെ ക്വാര്ട്ടര് പ്രവേശനം. പുരുഷന്മാരുടെ 91 കിലോ സൂപ്പര് ഹെവി വെയ്റ്റ് വിഭാഗത്തിലായിരുന്നു ജയം. രണ്ട് താരങ്ങളുടെയും ആദ്യ ഒളിമ്ബിക്സ് കൂടിയാണിത്. ഉസ്ബെക്കിസ്ഥാന്റെ ബാക്കോധിര് ജലോലോവിനോടാണ് സതീഷിന്റെ അടുത്ത മത്സരം. എന്നാല്ഈ പോരാട്ടത്തില് തീ പാറുമെന്നുറപ്പാണ്. ജലോലോവ് നിലവിലെ ഏഷ്യന്-ലോക ചാമ്ബ്യനാണ്.
ആദ്യ ഒളിമ്ബിക്സിന്റെ പതര്ച്ചയൊന്നും സതീഷിന് ഉണ്ടായിരുന്നില്ല. മികച്ച പ്രകടനം തന്നെയാണ് താരം കാഴച വെച്ചത്. രണ്ട് തവണ ഏഷ്യന് ചാമ്ബ്യന്ഷിപ്പില് വെങ്കലം നേടിയ താരമാണ് സതീഷ് കുമാര്. ജമൈക്കന് താരത്തിന്റെ പാദചലനങ്ങള് മോശമായതും മത്സരത്തില് സതീഷിന് ഗുണകരമായി വന്നു. അതേസമയം സതീഷ് കുമാറിന്റെ പാദചലനങ്ങള് വളരെ മികച്ചതും വേഗമേറിയതുമായിരുന്നു. മത്സരത്തില് വലത് കൈ ഉപയോഗിച്ചുള്ള പഞ്ചുകള്ക്കാണ് താരം പ്രാധാന്യം നല്കിയത്. 2018ലെ കോമണ്വെല്ത്ത് ഗെയിംസിലെ വെള്ളി മെഡല് നേടിയ താരമാണ് സതീഷ്. സൂപ്പര് ഹെവിവെയ്റ്റ് കാറ്റഗറിയില് യോഗ്യത നേടുന്ന ആദ്യ ഇന്ത്യന് താരം കൂടിയാണ് സതീഷ് കുമാര്. ഓഗസ്റ്റ് ഒന്നിനാണ് ക്വാര്ട്ടര് ഫൈനല് മത്സരം നടക്കുക.
https://www.facebook.com/Malayalivartha