ഒന്നാം ഏകദിനത്തില്‍ ആസ്‌ട്രേലിയയോട് തോല്‍വി ഏറ്റുവാങ്ങിയ ഇന്ത്യന്‍ വനിതകള്‍ക്ക് ഇന്ന് നിലനില്‍പ് പോരാട്ടം
ഒന്നാം ഏകദിനത്തില്‍ ആസ്‌ട്രേലിയയോട് തോല്‍വി ഏറ്റുവാങ്ങിയ ഇന്ത്യന്‍ വനിതകള്‍ക്ക് ഇന്ന് നിലനില്‍പ് പോരാട്ടം. മൂന്ന് മത്സര പരമ്പര നഷ്ടമാവാതിരിക്കാന്‍ ഹര്‍മന്‍പ്രീത് കൗറിനും സംഘത്തിനും ജയിച്ചേ തീരൂകയുള്ളൂ. ആദ്യ കളിയില്‍ ഭേദപ്പെട്ട സ്‌കോര്‍ നേടിയിട്ടും ആറ് വിക്കറ്റ് തോല്‍വിയായിരുന്നു ഫലം.
282 റണ്‍സ് പ്രതിരോധിക്കുന്നതില്‍ ആതിഥേയ ബൗളര്‍മാര്‍ പരാജയപ്പെട്ടു. ഇംഗ്ലണ്ടിനെയും ആസ്‌ട്രേലിയയെയും ടെസ്റ്റ് മത്സരങ്ങളില്‍ തോല്‍പിച്ച് ചരിത്രം കുറിച്ചാണ് ഇന്ത്യ ഏകദിന പരമ്പരക്ക് ഇറങ്ങിയത്. മൂന്നാം ഏകദിനം ചൊവ്വാഴ്ച നടക്കും. അതിന് ശേഷം ട്വന്റി20 പരമ്പരയുമുണ്ട്.
ടീം ഇവരില്‍ നിന്ന്
ഇന്ത്യ: ഹര്‍മന്‍പ്രീത് കൗര്‍ (ക്യാപ്റ്റന്‍), സ്മൃതി മന്ദാന, ജെമീമ റോഡ്രിഗസ്, ഷഫാലി വര്‍മ, ദീപ്തി ശര്‍മ, യാസ്തിക ഭാട്യ, റിച്ച ഘോഷ്, അമന്‍ജോത് കൗര്‍, ശ്രേയങ്ക പാട്ടീല്‍, മന്നത്ത് കശ്യപ്, സെയ്ക ഇസ്ഹാഖ്, രേണുക സിങ് താക്കൂര്‍, ടിറ്റാസ് സാധു, പൂജ വസ്ത്രകാര്‍, സ്‌നേഹ് റാണ, ഹര്‍ലീന്‍ ഡിയോള്‍.
ആസ്‌ട്രേലിയ: അലീസ ഹീലി (ക്യാപ്റ്റന്‍), ഡാര്‍സി ബ്രൗണ്‍, ഹീതര്‍ ഗ്രഹാം, ആഷ്‌ലി ഗാര്‍ഡ്‌നര്‍, കിം ഗാര്‍ട്ട്, ജെസ് ജോനാസെന്‍, അലാന കിങ്, ഫോബ് ലിച്ച്ഫീല്‍ഡ്, തഹ് ലിയ മക്ഗ്രാത്ത്, ബെത്ത് മൂണി, എല്ലിസ് പെറി, മേഗന്‍ ഷട്ട്, അന്നാബെല്‍ സതര്‍ലാന്‍ഡ്, ജോര്‍ജിയ വെയര്‍ഹാം.
"
https://www.facebook.com/Malayalivartha
