ഇംഗ്ലീഷ് പ്രീമിയര്‍ ലീഗില്‍ കരുത്തന്‍മാരുടെ പോരാട്ടത്തില്‍ ലിവര്‍പൂളിന് വിജയം. ചെല്‍സിയെ ഒന്നിനെതിരേ രണ്ടു ഗോളുകള്‍ക്കാണ് ചെങ്കുപ്പായക്കാര്‍ കെട്ടുകെട്ടിച്ചത്.
ദേയന്‍ ലോറന്‍, നായകന്‍ ജോര്‍ദാന്‍ ഹെന്‍ഡേഴ്‌സണ്‍ എന്നിവര്‍ നേടിയ ഗോളുകളിലൂടെ ലിവര്‍പൂള്‍ ആദ്യ പുകുതിയില്‍ രണ്്ടു ഗോളിനു മുന്നിട്ടുനിന്നു. 61-ാം മിനിറ്റില്‍ ഡീഗോ കോസ്റ്റയിലൂടെയായിരുന്നു ചെല്‍സിയുടെ ആശ്വാസഗോള്‍. ചെല്‍സി പരിശീലകന്‍ സ്ഥാനത്ത് അന്റോനിയോ കോണ്ടെയുടെ ആദ്യ തോല്‍വിയാണിത്. ഫ്രഞ്ച് ക്ലബ്ബായ പിഎസ്ജിയില്‍നിന്നു ചെല്‍സിയിലെത്തിയ ബ്രസീലിയന്‍ താരം ഡേവിഡ് ലൂയിസിന്റെ നീല ജേഴ്‌സിയിലുള്ള അരങ്ങേറ്റം തോല്‍വിയോടെയായി.

തോല്‍വി വഴങ്ങിയെങ്കിലും അഞ്ചു മത്സരങ്ങളില്‍നിന്നു 10 പോയിന്റുമായി ചെല്‍സി പോയിന്റ് പട്ടികയില്‍ മൂന്നാം സ്ഥാനത്തുതന്നെയുണ്്ട്. 12 പോയിന്റുമായി മാഞ്ചസ്റ്റര്‍ സിറ്റിയാണ് പോയിന്റ് പട്ടികയില്‍ ഒന്നാം സ്ഥാനത്ത്. 10 പോയിന്റുമായി ലിവര്‍പൂള്‍ നാലാം സ്ഥാനത്തേക്കുയര്‍ന്നു. നിലവിലെ ചാമ്പ്യന്‍മാരായ ലെസ്റ്റര്‍ സിറ്റി പോയിന്റ് പട്ടികയില്‍ 16-ാം സ്ഥാനത്താണ്. നാലു മത്സരങ്ങളില്‍നിന്ന് നാലു പോയിന്റ് മാത്രമാണ് അവര്‍ക്കുള്ളത്.