റിയോ ഒളിംപിക്സിലെ ചരിത്ര നേട്ടത്തിനു ശേഷം പി.വി. സിന്ധു ഇന്നു വീണ്ടും കോര്ട്ടില്
റിയോ ഒളിംപിക്സിലെ ചരിത്രനേട്ടത്തിന് ശേഷം പി.വി. സിന്ധു വീണ്ടും ബാഡ്മിന്റന് കോര്ട്ടിലിറങ്ങുന്നു. ഇന്നാരംഭിക്കുന്ന ഡെന്മാര്ക്ക് ഓപ്പണ് ബാഡ്മിന്റനിലാണ് ഒളിംപിക്സിന് ശേഷം സിന്ധു ആദ്യമായി മല്സരിക്കാനിറങ്ങുന്നത്. അഭിനന്ദങ്ങളും സ്വീകരണവും ഏറ്റുവാങ്ങി വിജയാഘോത്തിന്റെ ഒന്നരമാസത്തെ ഇടവേള അവനാസിപ്പിച്ച് ആകാശത്തോളം പ്രതിക്ഷകയുമായാണ് പി.വി. സിന്ധു കോര്ട്ടിലേക്ക് എത്തുന്നത്.
ഡെന്മാര്ക്ക് ഓപ്പണ് സൂപ്പര് സീരീസ് ബാഡ്മിന്റന് ടൂര്ണമെന്റില് ചൈനീസ് താരം ഹി ബിങ്ചാവോയാണ് ആദ്യ റൗണ്ടിലെ എതിരാളി. തായ്്ലന്ഡിന്റെ റാച്ചനോക്ക് ഇന്റാനോണ് , നാലാം സീഡ് കൊറിയയുടെ ഹ്യൂന് ജി സങ്, അഞ്ചാം സീഡ് ചൈനീസ് തായ്പേയിയുടെ തായ് സു യിങ് എന്നീ ശക്തരായ എതിരാളികളാണ് സിന്ധുവിന്റെ ഡ്രോയില് ഇടംപിടിച്ചിരിക്കുന്നത്. പരുക്ക് മൂലം സൈന നെഹ്വാള് വിശ്രമത്തിലായതുകൊണ്ടും ഇന്ത്യന് പ്രതീക്ഷളെല്ലാം സിന്ധുവിനെ കേന്ദ്രീകരിച്ചാണ്. ഒളിംപിക്സ് വിജയം ആത്മവിശ്വാസമുയര്ത്തിയെന്നാണ് സിന്ധുവിന്റെ വാക്കുകള്. സമ്മര്ദമില്ലാതെ നൂറു ശതമാനം മികവ് പുലര്ത്താമെന്ന് പ്രതീക്ഷയുണ്ടെന്നും ടൂര്ണമെന്റിനെത്തിയ സിന്ധു പറഞ്ഞു. ഒളിംപിക്സ് ബാഡ്മിന്റനില് വെള്ളി മെഡല് നേടുന്ന ആദ്യ ഇന്ത്യന് താരമാണ് സിന്ധു. കഴിഞ്ഞ വര്ഷം ഡെന്മാര്ക്ക് ഓപ്പണില് റണ്ണേഴ്സ് അപ്പായിരുന്നു. അജയ് ജയറാം, എച്ച്.എസ്.പ്രണോയ്, പി.കശ്യപ് എന്നിവരാണ് പുരുഷ വിഭാഗത്തില് മല്സരിക്കുന്ന ഇന്ത്യന് താരങ്ങള്.
https://www.facebook.com/Malayalivartha
