ഏഷ്യന്‍ ചാംപ്യന്‍സ് ട്രോഫി ഹോക്കി കിരീടം ഇന്ത്യയ്ക്ക്, പാകിസ്ഥാനെ രണ്ടിനെതിരെ മൂന്ന് ഗോളുകള്‍ക്ക് ഇന്ത്യ പരാജയപ്പെടുത്തി
ഏഷ്യന്‍ ചാംപ്യന്‍സ് ട്രോഫി ഹോക്കി കിരീടം ഇന്ത്യയ്ക്ക്. ഫൈനലില്‍ പാകിസ്ഥാനെ രണ്ടിനെതിരെ മൂന്ന് ഗോളുകള്‍ക്ക് ഇന്ത്യ പരാജയപ്പെടുത്തി. ഇന്ത്യയുടെ രണ്ടാം ചാംപ്യന്‍സ് ട്രോഫി ഹോക്കി കിരീടമാണ്. രുപീന്ദര്‍ പാല്‍ സിങ്, അഫാന്‍ യൂസഫ്, നിക്കിന്‍ തിമ്മയ്യ എന്നിവര്‍ ഇന്ത്യയ്ക്കായി ഗോള്‍ നേടി. സെമിയില്‍ ദക്ഷിണ കൊറിയയെ പരാജയപ്പെടുത്തിയ ആത്മവീര്യത്തോടെയാണ് ഇന്ത്യന്‍ താരങ്ങള്‍ പാക്കിസ്ഥാനെതിരെ ഫൈനലില്‍ കളിക്കാനിറങ്ങിയത്. ആദ്യ ക്വാര്‍ട്ടറില്‍ ഇരു ടീമുകള്‍ക്കും ഗോളൊന്നും നേടാനായില്ല. എന്നാല്‍ രണ്ടാം ക്വാര്‍ട്ടറില്‍ ഇന്ത്യയുടെ മുന്നേറ്റമാണ് കണ്ടത്. 18ാം മിനിറ്റില്‍ ക്യാപ്റ്റന്‍ രുപീന്ദര്‍ പാല്‍ സിങ്ങിലൂടെയായിരുന്നു ഇന്ത്യയുടെ ആദ്യ ഗോള്‍.
23ാം മിനിറ്റില്‍ അഫാന്‍ യൂസഫ് രണ്ടാമത്തെ ഗോള്‍ നേടി. ഇതോടെ ആദ്യപകുതിയില്‍ ഇന്ത്യ 20ന് മുന്നിലെത്തി. എന്നാല്‍ രണ്ടാം പകുതി പാക്കിസ്ഥാന് അനുകൂലമായിരുന്നു. പെനാല്‍റ്റി കോര്‍ണറിലൂടെയായിരുന്നു പാക്കിസ്ഥാന്റെ ആദ്യ ഗോള്‍. 26ാം മിനിറ്റില്‍ അലീം ബിലാല്‍ ആദ്യഗോള്‍ നേടി. തൊട്ടുപിന്നാലെ 38ാം മിനിറ്റില്‍ അലി ഷാന്‍ രണ്ടാം ഗോള്‍ നേടിയതിലൂടെ ഇരുരാജ്യങ്ങളും സമനിലയിലെത്തി.
ഒടുവില്‍ നിക്കിന്‍ തിമ്മയ്യയുടെ ഗോളില്‍ പാക്കിസ്ഥാനെ തോല്‍പ്പിച്ച് ഇന്ത്യന്‍ കളിക്കാര്‍ വിജയത്തില്‍ ആറാടി.
https://www.facebook.com/Malayalivartha
