ഫൈനല്‍ ബര്‍ത്ത് ഉറപ്പിച്ച് നൊവാക് ദ്യോകോവിച്. സെമിയില്‍ നേരിട്ടുള്ള സെറ്റുകള്‍ക്ക് 6-4, 7-6(2), 64 എന്ന സ്‌കോറിനാണ് 25-ാം സീഡായ മുസറ്റിയെ സെര്‍ബിയന്‍ താരം കീഴടക്കിയത്.

ഇതോടെ ഫൈനല്‍ പോരാട്ടം കഴിഞ്ഞ വര്‍ഷത്തെ തനിയാവര്‍ത്തനമായി. ഡാനില്‍ മെദ്‌വദേവിനെ വീഴ്ത്തിയ കാര്‍ലോസ് അല്‍കാരസ് നേരത്തെ ഫൈനലില്‍ പ്രവേശിച്ചിട്ടുണ്ടായിരുന്നു. ആദ്യ സെറ്റ് വെല്ലുവിളിയില്ലാതെ പൂര്‍ത്തിയാക്കാനായി ദ്യോകോവിചിന് കഴിഞ്ഞപ്പോള്‍, രണ്ടാം സെറ്റ് ടൈബ്രേക്കറിലേക്ക് നീളുകയായിരുന്നു.

പരിചയ സമ്പന്നനായ സെര്‍ബിയന്‍ താരം ടൈബ്രേക്കര്‍ സ്വന്തമാക്കിുകയും ചെയ്തു. മൂന്നാം സെറ്റില്‍ പഴുതുകളില്ലാത്ത അടവുമായി കളം നിറഞ്ഞതോടെ ദ്യോകോ വിബിംള്‍ഡണിലെ തന്റെ പത്താം ഫൈനലിലേക്ക് പ്രവേശിക്കുകയായിരുന്നു.

ജയിച്ചാല്‍ കിരീടം നേടുന്ന പ്രായമേറിയ താരമെന്ന നേട്ടവും ദ്യോകോവിച്ചിന് സ്വന്തമാക്കാം. ടെന്നിസിലെ തലമുറ മാറ്റം അറിയിച്ച് കടന്നുവന്ന അല്‍കാരസ്, കഴിഞ്ഞ വര്‍ഷം അഞ്ച് സെറ്റ് നീണ്ട പോരാട്ടത്തിലാണ് ദ്യോകോവിചിനെ കീഴടക്കി വിംബിള്‍ഡണ്‍ കിരീടം സ്വന്തമാക്കിയത്.