ഈ മാസം 10-ന് നടക്കുന്ന ഇത്തിത്താനം ആനയൂട്ടിന് ഗജവീരന്മാര് ഒരുങ്ങി
കേരളത്തിലെ പ്രമുഖരായ ഗജവീരന്മാര് പങ്കെടുക്കുന്ന ഇത്തിത്താനം ആനയൂട്ട് 10ന് നടക്കും. ഇളങ്കാവ് ദേവീക്ഷേത്രത്തില് ഇളങ്കാവിലമ്മ ഭക്തജനസംഘമാണ് ആനയൂട്ട് സംഘടിപ്പിക്കുന്നത്. രാവിലെ അഞ്ചരയ്ക്ക് അഷ്ടദ്രവ്യ മഹാഗണപതി ഹോമം, 9 ന് പ്രത്യക്ഷ ഗണപതി പൂജ, 10ന് ആനയൂട്ട്, 11ന് കലാശ പൂജ, 12 ന് അന്നദാനം, വൈകിട്ട് 7 ന് സഹസ്ര ദീപം തുടങ്ങിയവയും നടക്കും.
ഇ ഫോര് എലിഫന്റ് സംവിധായകന് ശ്രീകുമാര് അരൂക്കുറ്റി ആനയൂട്ട് ഉദ്ഘാടനം ചെയ്യും. ഗജപരിപാലന രംഗത്ത് അമ്പതു വര്ഷത്തെ സേവനം പൂര്ത്തിയാക്കിയ തിരുവിതാംകൂര് ദേവസ്വം മുന് ജീവനക്കാരെ സി.എന്.ശിവരാമന് ചടങ്ങില് ആദരിക്കും.
പുതുപ്പള്ളി കേശവന് , പുതുപ്പള്ളി സാധു , കാഞ്ഞിരക്കാട്ടു ശേഖരന്, ചുരൂരുമഠം രാജശേഖരന്, ഇളങ്കാവ് വിഷ്ണുനാരായണന്, ഉഷശ്രീ ദുര്ഗാപ്രസാദ്, ഉഷശ്രീ ശങ്കരന്കുട്ടി , വാഴപ്പള്ളി മഹാദേവന്, തോട്ടയ്ക്കാട്ട് വിനായകന്,വള്ളംകുളം നാരായണന്കുട്ടി , കുന്നത്തൂര് രാമു, വലിയവീട്ടില് ഗണപതി, ചാന്നാനിക്കാട് വിജയസുന്ദര്, ചാന്നാനിക്കാട് സുനന്ദ, തോട്ടയ്ക്കാട് ശിവപ്രസാദ്, കല്ലൂത്താഴെ ശിവശങ്കരന്, കുളമാക്കല് പാര്ത്ഥസാരഥി തുടങ്ങിയ ഗജരാജാക്കന്മാര് ആനയൂട്ടില് പങ്കെടുക്കും.
https://www.facebook.com/Malayalivartha