പ്രകൃതിയെ അറിയാന് എത്തേണ്ട ഹരിതഭൂമി: പറമ്പിക്കുളം
പ്രകൃതിയെ അറിയാന് സഞ്ചാരികള് തേടിയെത്തുന്നഹരിതഭൂമിയാണ് പാലക്കാട് ജില്ലയിലെ പറമ്പിക്കുളം. കുടുംബത്തോടൊപ്പം ഈ അവധിക്കാലത്ത് ഒരു യാത്ര കൊതിക്കുന്നവര്ക്ക് നല്ല ഇടമാണ് ഇന്ന് പറമ്പിക്കുളം.
643.66 ചതുരശ്ര കിലോമീറ്റര് ചുറ്റളവില് പരന്നുകിടക്കുന്ന നിബിഡവനമാണ് പറമ്പിക്കുളം. പറമ്പിക്കുളത്ത് ബോട്ട്സവാരി, ആനസവാരി, ട്രെക്കിങ് തുടങ്ങി എല്ലാ വിനോദങ്ങള്ക്കും സൗകര്യമുണ്ട്.
കാട്ടിലെ ഏറുമാടങ്ങളില് കാനനഭംഗി നുകര്ന്ന് കൂടാം. മുളച്ചങ്ങാടത്തില് തെളിനീരില് സവാരിനടത്താം.കേരളത്തിലെ രണ്ടാമത്തെ കടുവ സംരക്ഷണകേന്ദ്രമായ പറമ്പിക്കുളത്ത് ഫോറസ്റ്റ് ഗൈഡുകളുടെ സഹായത്തോടെയും ട്രെക്കിങ്ങിനും സൗകര്യമുണ്ട്.
ഏഷ്യയിലെ ഏറ്റവും വലിയ തേക്കുമരമെന്ന് പേരെടുത്ത കണ്ണിമാരത്തേക്കും ഇവിടെത്തന്നെ. പറമ്പിക്കുളത്ത് എത്തുന്നവര്ക്കായി കേരള വിനോദസഞ്ചാരവകുപ്പ് തൂണക്കടവില് താമസമടക്കമുള്ള എല്ലാ സൗകര്യങ്ങളും ഏര്പ്പാടാക്കിയിട്ടുണ്ട്. തിരക്കുള്ള സീസണുകളില് മുന്കൂട്ടി അറിയിച്ച് സൗകര്യങ്ങള് ഉറപ്പാക്കണം.
https://www.facebook.com/Malayalivartha
