മധ്യ കേരളത്തിലെ ഉത്സവ കാലത്തിന്റെ സമാപനം കൂടി...

ഇരിങ്ങാലക്കുട കൂടല്‍മാണിക്യം സംഘമേശ ക്ഷേത്രത്തില്‍ ഉത്സവത്തിന് കൊടിയേറി. 10 ദിവസം നീണ്ടു നില്‍ക്കുന്ന ക്ഷേത്ര ചടങ്ങുകളും ആഘോഷങ്ങളമടങ്ങുന്നതാണ് പരിപാടികള്‍. ഉത്സവത്തിന്റെ മുന്നോടിയായുള്ള ശുദ്ധിക്രിയകള്‍ കഴിഞ്ഞ ദിവസം ആരംഭിച്ചിരുന്നു. രാവിലെ വിശേഷാല്‍ പൂജകള്‍, 8.30 മുതല്‍ 12.30 വരെ ശ്രീരാമപഞ്ചശതി പാരായണം എന്നിവയുണ്ടായി.

രാത്രി 7.30ന് ആചാര്യവരണം നടത്തി. തുടര്‍ന്ന് 8.10നും 8.40നും മധ്യേ തന്ത്രി നഗരമണ്ണ് ത്രിവിക്രമന്‍ നമ്പൂതിരിയുടെ നേതൃത്വത്തില്‍ നഗരമണ്ണ് നാരായണന്‍ നമ്പൂതിരി ഉത്സവത്തിന് കൊടിയേറ്റി.
അതേസമയം സെപ്റ്റംബറില്‍ തിരുവില്വാമല നിറമാലയോടെയാണ് മധ്യകേരളത്തില്‍ ഉത്സവ കാലത്തിനു തുടക്കമാകുന്നത്.10 ദിവസം നീളുന്ന കൂടല്‍മാണിക്യം ക്ഷേത്രോത്സവം മധ്യ കേരളത്തിലെ ഉത്സവ കാലത്തിന്റെ സമാപനം കൂടിയാണ്.