വിനോദസഞ്ചാര മേഖലകള്‍ വീണ്ടും തുറന്നതോടെ പഹല്‍ഗാമിലേക്ക് സഞ്ചാരികളുടെ ഒഴുക്ക്. ഏപ്രില്‍ മാസത്തിലായിരുന്നു തീവ്രവാദികളുടെ ആക്രമണത്തില്‍ ഒരു പ്രദേശവാസി ഉള്‍പ്പെടെ 26 വിനോദസഞ്ചാരികള്‍ കൊല്ലപ്പെട്ടത്.

തീവ്രവാദ ആക്രമണത്തെ തുടര്‍ന്ന് വിനോദസഞ്ചാര കേന്ദ്രങ്ങള്‍ അടച്ചിട്ടിരിക്കുകയായിരുന്നു. എന്നാല്‍ കഴിഞ്ഞദിവസം വാരാന്ത്യത്തില്‍ പ്രദേശത്ത് വിനോദസഞ്ചാരികളുടെ വന്‍ തിരക്ക് അനുഭവപ്പെട്ടിരുന്നു. ജമ്മു കശ്മീരിലെ 16 വിനോദസഞ്ചാര കേന്ദ്രങ്ങള്‍ തുറന്നു പ്രവര്‍ത്തിക്കാനായി ആരംഭിച്ചതായി ജമ്മു കശ്മീര്‍ ലഫ്റ്റനന്റ് ഗവര്‍ണര്‍ മനോജ് സിന്‍ഹ ശനിയാഴ്ച പ്രസ്താവിച്ചിരുന്നു. ഇതില്‍ തന്നെ എട്ട് ടൂറിസ്റ്റ് കേന്ദ്രങ്ങളും പാര്‍ക്കുകളും ജമ്മുവിലും എട്ടെണ്ണം ശ്രീനഗറിലുമാണ്.

ഏതായാലും ഏതൊക്കെ തരത്തിലുള്ള ആക്രമണങ്ങളുണ്ടായാലും ജമ്മു കശ്മീരിനെ വിനോദസഞ്ചാരികള്‍ തങ്ങളുടെ ഹൃദയത്തിനോട് ചേര്‍ത്തു വയ്ക്കുന്നുണ്ട്.