18 വയസ്സിന് ശേഷമുള്ള ആര്‍ക്കും മത്സരത്തില്‍ പങ്കെടുക്കാം... മിസ് യൂണിവേഴ്‌സ് മത്സരത്തില്‍ പങ്കെടുക്കുന്നവര്‍ക്ക് ഇനി മുതല്‍ ഉയര്‍ന്ന പ്രായ പരിധി ഇല്ല...


71ാമത് മിസ് യൂണിവേഴ്‌സ് കിരീടം നേടിയ അമേരിക്കയുടെ ആര്‍ ബോണി ഗബ്രിയേലയാണ് തീരുമാനം പ്രഖ്യാപിച്ചത്. നേരത്തെ 18- 28 വരെ വയസ്സുള്ളവര്‍ക്കു മാത്രമേ മത്സരത്തില്‍ പങ്കെടുക്കാനുള്ള അവസരമുണ്ടായിരുന്നുള്ളു.

1952 മുതല്‍ തുടര്‍ന്നു വരുന്ന തീരുമാനത്തിനാണ് ഇപ്പോള്‍ മാറ്റമുണ്ടായത്. അതോടൊപ്പം വിവാഹിതരും, വിവാഹ മോചിതരും, ഗര്‍ഭിണികളുമായുള്ള മത്സരാര്‍ഥികള്‍ക്കുമുള്ള നിയന്ത്രണങ്ങളും എടുത്തു മാറ്റിയിട്ടുണ്ട്.

തായ്ലന്‍ഡിലെ പ്രമുഖ മാധ്യമ വ്യവസായിയും ട്രാന്‍സ്ജെന്‍ഡറുകളുടെ അവകാശങ്ങള്‍ക്കായി പ്രവര്‍ത്തിക്കുകയും ചെയ്യുന്ന ആനി ജാക്കഫോംഗ് ജാക്രജുതതിപ് മിസ് യൂണിവേഴ്സ് ഓര്‍ഗനൈസേഷനിലെത്തിയതിന് പിന്നാലെയാണ് ഈ പുതിയ മാറ്റങ്ങളായത്.