റായ്പുര് എയിംസില് സ്റ്റാഫ് നഴ്സ് ഒഴിവുകൾ
ഓള് ഇന്ത്യ ഇന്സ്റ്റിറ്റ്യൂട്ട് ഓഫ് മെഡിക്കല് സയന്സസില് (റായ്പുർ) സ്റ്റാഫ് നഴ്സ് ഗ്രേഡ് I, II തസ്തികകളിലെ 475 ഒഴിവുകളിലേക്ക് അപേക്ഷ ക്ഷണിച്ചു. എല്ലാ തസ്തികകളിലേക്കും സ്ഥിരനിയമനമായിരിക്കും. എഴുത്തുപരീക്ഷ, അഭിമുഖം എന്നിവ അടിസ്ഥാനമാക്കിയാണ് തിരഞ്ഞെടുപ്പ്.
സ്റ്റാഫ് നഴ്സ് ഗ്രേഡ് I ഒഴിവ്: 75 (ജനറല് 39, ഒ.ബി.സി 20, എസ്.സി 11, എസ്.ടി. 5) പ്രായം: 21-35 വയസ്.
യോഗ്യത: ബി.എസ്സി./ പോസ്റ്റ് ബേസിക് നഴ്സിങ് ബിരുദം. ഇന്ത്യന് നഴ്സിങ് കൗണ്സില്/സംസ്ഥാന നഴ്സിങ് കൗണ്സില് രജിസ്ട്രേഷന് വേണം. കുറഞ്ഞത് 100 കിടക്കകളുള്ള ആശുപത്രിയില് സ്റ്റാഫ് നഴ്സ് ആയി മൂന്ന് വര്ഷത്തെ പരിചയം വേണം. കമ്പ്യൂട്ടര് പരിജ്ഞാനം അഭിലഷണീയ യോഗ്യതയാണ്.
സ്റ്റാഫ് നഴ്സ് ഗ്രേഡ് II ഒഴിവ്: 400 (ജനറല് 205, ഒ,ബി.സി 106, എസ്.സി 60,എസ്.ടി 29 ) പ്രായം: 21-30 വയസ്.
യോഗ്യത: ബി.എസ്.സി /പോസ്റ്റ് ബേസിക് നഴ്സിങ് ബിരുദം, ഇന്ത്യന് നഴ്സിങ് കൗണ്സില്/സംസ്ഥാന നഴ്സിങ് കൗണ്സില് രജിസ്ട്രേഷന് അല്ലെങ്കില് തത്തുല്യം. കമ്പ്യൂട്ടര് പരിജ്ഞാനം അഭിലഷണീയം.
വിവരങ്ങള്ക്ക്: http://www.aiimsraipur.edu.in/
https://www.facebook.com/Malayalivartha