ഇലക്ട്രോണിക് കാര് വിപണി പ്രോത്സാഹിപ്പിക്കാന് കേന്ദ്ര സര്ക്കാര്. ഇ കാറുകള്ക്ക് 2.5 ലക്ഷം രൂപ സബ്സിഡി
മൊത്തം 10,000 കോടി രൂപയുടെ പാക്കേജിലൂടെ രാജ്യത്തെ പുതിയ ഹരിത ഇന്ധന പദ്ധതിയിലേക്ക് നയിക്കാന് സര്ക്കാര് നീക്കം. ഇതില് കൂടുതല് തുക ടൂ, ത്രീ വീലറുകള്ക്കും പൊതുഗതാഗതത്തിന് ഉപയോഗിക്കുന്ന ബസുകള്ക്കുമായിരിക്കും നീക്കിവയ്ക്കുക. 60,000 ഇ കാറുകള്ക്ക് 2.5 ലക്ഷം രൂപ വീതം സബ്സിഡി നല്കിയേക്കുമെന്നാണ് പുതിയ റിപ്പോര്ട്ടുകള്. ഒപ്പം 20,000 ഹൈബ്രിഡ് കാറുകള്ക്ക് 20,000 രൂപ വീതം സബ്സിഡിയും നല്കിയേക്കും.
ഫാസ്റ്റര് അഡോപ്ഷന് ആന്റ് മാനുഫാക്ചറിങ് ഓഫ് ഹൈബ്രിഡ് ആന്റി ഇലക്ട്രിക് വെഹിക്കിള്ക്കിള്സ് ഇന്ത്യ (എഫ്.എ.എം.ഇ) പദ്ധതി പ്രകാരം പുതിയ പ്രൊപ്പോസലിന് മന്ത്രിസഭ അംഗീകാരം നല്കുമെന്നാണ് പ്രതീക്ഷിക്കുന്നത്. ഇതുപ്രകാരം, മഹീന്ദ്രയുടെ ഇവെരിറ്റോ കാര് വാങ്ങുന്നയാള്ക്ക് 1.5 ലക്ഷം രൂപയെങ്കിലും കിഴിവ് ലഭിക്കും. നല്ലൊരു ഇ ടൂ വീലര് വാങ്ങുന്നയാള്ക്ക് 40,000 രൂപയുടെ സബ്സിഡിയുണ്ടാവും. നേരത്തെ ഈ പദ്ധതിക്ക് 5500 കോടി രൂപയാണ് അനുവദിച്ചിരുന്നത്. ഇപ്രാവശ്യം ഇരട്ടി തുകയാണ് നിര്ദ്ദേശിച്ചിരിക്കുന്നത്. ഇലക്ട്രോണിക് കാര് വിപണി ഉത്തേജിപ്പിക്കാനാണ് കേന്ദ്ര സര്ക്കാര് പുതിയ നടപടിക്കൊരുങ്ങുന്നത്. മന്ത്രിസഭയുടെ അംഗീകാരം ലഭിക്കുകയാണെങ്കില് പദ്ധതി അടുത്ത ഏപ്രില് മുതല് പ്രാബല്യത്തില് വരും.
https://www.facebook.com/Malayalivartha