ഇന്ഡിഗോ കിയാന് തര്ക്കം രൂക്ഷമാകുന്നു; ഇന്ഡിഗോ സര്വ്വീസ് അവസാനിപ്പിച്ചേക്കും?
സര്വ്വീസ് ചാര്ജിനെ ചൊല്ലിയുള്ള തര്ക്കത്തെ തുടര്ന്ന് ഇന്ഡിഗോ എയര്ലൈന്സ് കണ്ണൂര് വിടുന്നു. യാത്രക്കാരുടെ ബാഗേജ് കൈകാര്യം ചെയ്യുന്ന റീകണ്സീലിയേഷന് സംവിധാനവുമായുളള സഹകരണം സംബന്ധിച്ച് ഇന്ഡിഗോ കിയാല് (കണ്ണൂര് വിമാനത്താവള കമ്പനി) തര്ക്കമാണ് ഇതിന് കാരണം. സിറ്റ എന്ന കമ്പനിയാണ് വിമാനത്താവളത്തില് റീകണ്സീലിയേഷന് സംവിധാനം നടപ്പാക്കുന്നത്. ഡല്ഹി, മുംബൈ, കൊച്ചി, ഹൈദരാബാദ്, ബംഗളൂരു എയര്പോര്ട്ടുകളില് നല്കുന്ന സര്വീസ് ചാര്ജ് കണ്ണൂര് എയര്പോര്ട്ടില് നല്കാന് ഇന്ഡിഗോ തയ്യാറാകാത്തതാണ് പ്രതിസന്ധിയ്ക്ക് കാരണം. ബാഗേജ് റീ കണ്സിലിയേഷന് സിസ്റ്റം ഉപയോഗിക്കാതെയുള്ള ഇന്ഡിഗോയുടെ പ്രവര്ത്തനം യാത്രക്കാര്ക്ക് അനാവശ്യ കാല താമസവും അസൗകര്യവും ഉണ്ടാക്കുന്നതായും ഇത് അംഗീകരിക്കാനാവില്ലെന്നും എയര്പോര്ട്ട് അതോറിറ്റി പറയുന്നു.
മറ്റ് എല്ലാ എയര്ലൈനുകളും പ്രയോജനപ്പെടുത്തുന്ന ഈ സേവനങ്ങള് ഉപയോഗിക്കാനുളള കരാറില് ഇന്ഡിഗോ ഒപ്പിട്ടിരുന്നില്ല. ഇതിനായി ഇന്ഡിഗോ ഫെബ്രുവരി 22 വരെ സമയം ചോദിച്ചെങ്കിലും പിന്നീട് അതിന് തയ്യാറായതുമില്ല. തുടര്ന്ന് മാര്ച്ച് 30 സമയപരിധി നിശ്ചയിച്ച് അതിനായി 26ന് ഒരു മീറ്റിംഗും നടന്നു. പക്ഷെ, ഇന്ഡിഗോ യാതൊരു വിട്ടു വീഴ്ചയ്ക്കും തയ്യാറായില്ല. നിലവിലെ സാഹചര്യത്തില് ഏപ്രില് 30 വരെ കരാര് ഒപ്പിടാന് കാലാവധി നീട്ടിനല്കുകയാണെന്നും കിയാല് അറിയിച്ചു.
എന്നാല്, ഈ കാലാവധിക്കുള്ളില് കരാര് ഒപ്പിട്ടില്ലെങ്കില് കണ്ണൂര് വിമാനത്താവളത്തില് നിന്ന് സര്വ!ീസ് നടത്താന് ഇന്ഡിഗോയ്ക്ക് കഴിയില്ലെന്നും വിമാനടിക്കറ്റ് എടുത്തവര് ഇക്കാര്യങ്ങള് സജീവമായി ശ്രദ്ധിക്കണമെന്നും കിയാല് പത്രക്കുറിപ്പിലൂടെ അറിയിച്ചു. സമീപ കാലത്ത് സേവനമാരംഭിച്ച കണ്ണൂര് എയര്പോര്ട്ടിന് ഇത്തരം നഷ്ടങ്ങള് സഹിച്ച് മുന്നോട്ട് പോകാന് സാധിക്കില്ലെന്നും ഭീമമായ ബാധ്യതകളാണ് ഇതുമൂലം ഏറ്റെടുക്കേണ്ടി വരുന്നതെന്നും എയര്പോര്ട്ട് അതോറിറ്റി പറയുന്നു. ആഴ്ചയില് 180 ഫ്ലൈറ്റ് മൂവിമെന്റാണ് ഇന്ഡിഗോ ഇപ്പോള് കണ്ണൂരില് നിന്നും നടത്തിവരുന്നത്. കണ്ണൂരില് നിന്ന് ഏറ്റവും കൂടുതല് സര്വീസ് നടത്തുന്ന വിമാനക്കമ്പനിയാണ് ഇന്ഡിഗോ.
https://www.facebook.com/Malayalivartha
