പ്രളയത്തില് മുങ്ങിയ കഴിഞ്ഞ സാമ്പത്തിക വര്ഷവും സംസ്ഥാനത്ത് റെക്കോര്ഡ് മദ്യവില്പ്പന
പ്രളയം ഏറെ നാശം വിതച്ച കഴിഞ്ഞ സാമ്പത്തിക വര്ഷം സംസ്ഥാനത്ത് മദ്യവില്പ്പനയില് റെക്കോര്ഡ്. ബിവറേജസ് കോര്പ്പറേഷന്റേയും കണ്സ്യൂമര്ഫെഡിന്റേയും ഉള്പ്പെടെ 306 മദ്യവില്പ്പനശാലകളിലൂടേയും 450 ബാറുകളിലും കൂടി 14,504 കോടി രൂപയുടെ മദ്യമാണ് കഴിഞ്ഞ സാമ്പത്തികവര്ഷം സംസ്ഥാനത്ത് വിറ്റത്. സര്ക്കാരിന്റെ നികുതി വരുമാനത്തിന്റെ 23 ശതമാനവും മദ്യത്തില് നിന്നാണെന്ന് കണക്കുകള് വ്യക്തമാക്കുന്നു. സംസ്ഥാനം പ്രളയത്തില് മുങ്ങിയ ആഗസ്റ്റ് മാസത്തിലാണ് ഏറ്റവും കൂടുതല് മദ്യം വില്ക്കപ്പെട്ടത്. 1264 കോടി രൂപയുടെ മദ്യമാണ് പ്രളയത്തിനിടെ മലയാളികള് കുടിച്ചു തീര്ത്തത്. കഴിഞ്ഞ സാമ്പത്തിക വര്ഷത്തിലെ മദ്യ വില്പ്പനയിലൂടെ സംസ്ഥാന സര്ക്കാരിന് കിട്ടിയ നികുതി വരുമാനം 12424 കോടി രൂപയാണ്. തൊട്ടുമുന്പുള്ള വര്ഷം ഇത് 11024 കോടിയായിരുന്നു.
കഴിഞ്ഞ സാമ്പത്തിക വര്ഷം 216.34 ലക്ഷം കെയ്സ് മദ്യമാണ് കേരളത്തില് വിറ്റത്. തൊട്ടുമുന്പുള്ള വര്ഷത്തേക്കാല് 8 ലക്ഷം കേയ്സുകളുടെ വര്ദ്ധന. ഒരു മാസം കേരളത്തില് വില്ക്കുന്നത് 1200 കോടി രൂപയുടെ മദ്യമാണ്. ഈ സര്ക്കാര് അധികാരത്തില് എത്തിയതിന് ശേഷം ഓരോ വര്ഷവും വില്ക്കുന്ന മദ്യത്തിന്റെ അളവിലും കാര്യമായ വര്ദ്ധനയുണ്ട്. ഇടതു മുന്നണിയുടെ പ്രടകനപത്രികയിലെ വാഗ്ദാനത്തിന്റെ ലംഘനമാണ് മദ്യവിവല്പ്പന കുതിക്കാന് വഴിവച്ചതെന്ന് പ്രതിപക്ഷം ആരോപിക്കുന്നു. മദ്യത്തിനെതിരായ ബോധവല്ക്കരണം എക്സൈസ് വകുപ്പ് വഴി ഒരു വശത്ത് നടക്കുമ്പോള് തന്നെ ത്രീ സ്റ്റാര് ബാറുകള്ക്ക് അനമുതി നല്കി ഉദാരമായ മദ്യനയമാണ് മറുവശത്ത് എല് ഡി എഫ് പുലര്ത്തി പോന്നത്.
https://www.facebook.com/Malayalivartha