ഇക്കഴിഞ്ഞ ലോക്‌സഭാ തെരഞ്ഞെടുപ്പില്‍ രാജ്യത്തെ 900 ദശലക്ഷം വോട്ടര്‍മാരെ കൈയിലെടുക്കാന്‍ രാഷ്ട്രീയപ്പാര്‍ട്ടികള്‍ ചെലവിട്ടത് 60 കോടി രൂപയാണ്. 2014ലെ തെരഞ്ഞെടുപ്പില്‍ ചെലവായതിന്റെ ഇരട്ടിയോളം വരും. ഇതോടെ ലോകത്തെ ഏറ്റവും ചെലവേറിയ തെരഞ്ഞെടുപ്പായി മാറി ഇന്ത്യയിലേത്. ഡല്‍ഹി ആസ്ഥാനമായ സെന്റര്‍ ഫോര്‍ മീഡിയ സ്റ്റഡീസ് ആണ് ഇതേക്കുറിച്ച് പഠനം നടത്തിയത്.

ഓരോ മണ്ഡലത്തിലും ഏകദേശം 30 ലക്ഷം വോട്ടര്‍മാര്‍ ഉണ്ടെന്നാണ് കണക്ക്. പരസ്യം, യാത്രാഗതാഗത ചെലവ് എന്നിവയ്ക്കാണ് ഏറ്റവും കൂടുതല്‍ പണം ചെലവാക്കിയിരിക്കുന്നത്. ഒരു സ്ഥാനാര്‍ത്ഥി 70 ലക്ഷം രൂപ വരെ ചെലവിടാവൂ എന്നായിരുന്നു ഇലക്ഷന്‍ കമ്മീഷന്‍ നിര്‍ദ്ദേശം. എന്നാല്‍ പുതിയ റിപ്പോര്‍ട്ട് അനുസരിച്ച് ഒരു വോട്ടര്‍ക്ക് 700 രൂപ വീതമാണ് പാര്‍ട്ടികള്‍ ചെലവിട്ടത്. അതായത് ഒരു മണ്ഡലത്തില്‍ 100 കോടി രൂപ. 2024ലെ തെരഞ്ഞെടുപ്പ് അകുമ്പോഴേക്കും മൊത്തം ചെലവ് ഒരു ലക്ഷം കോടി കവിയുമെന്ന് ഈ കണക്കുകള്‍ സൂചിപ്പിക്കുന്നത്.